Bizitza-errenta pobreziaren mugan oinarritzea eskatu du Save the Childrenek
Save the Children gobernuz kanpoko erakundearen esanetan, "COVID-19aren krisiak egoera ahulean dauden neska-mutilen belaunaldi bat bizitza osorako marka ez dezan, funtsezkoa da familien barruan seme-alaben pisua eta behar espezifikoak kontuan hartzea" Bizitzeko Gutxieneko Diru-sarrerak ematerakoan.
"Badakigu lau familia zaurgarritik batek lana galdu duela modu iraunkorrean pandemiaren ondorioz, eta familia behartsuetako gurasoen % 64,4k uste dute krisiak modu negatiboan eragingo diola beren ekonomiari", Catalina Perazzo Save the Childreneko Sentsibilizazio eta Haurtzaro Politiken zuzendariaren arabera.
Erakundeak adierazi duenez, haurren pobrezia modu eraginkorrean murrizteko –krisia baino lehen % 26an zegoen–, hainbat elementu hartu behar dira kontuan. Lehenengoa da Ondorio Askotarako Errenta Adierazle Publikoaren ordez pobreziaren muga hartzea kalkulurako bizi-errenta hau nork jaso dezakeen zehazteko orduan; izan ere, hori erabiliz gero, ia milioi bat familia pobrezia-arriskuan utziko lirateke laguntzarik jaso gabe, eta horietatik 300.000 eta 400.000 artean haurrak dituzte ardurapean, Save the Childrenen arabera. Horren ordez, pobreziaren muga eta haurrak barne hartzen dituen eskala erabiltzea proposatu du Gobernuz Kanpoko Erakundeak. Horrek Espainiako Estatuan seme-alabak ardurapean dituzten 1.232.528 etxeri egingo lieke mesede.
Save the Childrenen ustez, garrantzitsua da etxe batean bizi diren haurren premiak (energia elektrikoa eta berokuntza, esaterako) gehitzea dirulaguntzari. "Etxebizitza batek gehiago kontsumitzen du adingabeen kopuruak gora egin ahala, eta, beraz, muga helduen arabera soilik kalkulatzeak seme-alabak dituzten familien % 12 bizi-errenta horretatik kanpo utziko lituzke", gogorarazi dute.
Halaber, bizitzeko gutxieneko diru-sarrerak ardurapeko seme edo alaba bakoitzeko dirulaguntza bat izatea ere eskatzen du, lehen semea edo alaba hazteko kostuaren % 50 inguru ordaintzeko, eta balio hori % 30 handitu dadila adingabe bakoitzeko. Gainera, kopuru hori handiagoa litzateke guraso bakarreko familientzat, "baliabide gutxiagorekin egin behar baitiete aurre hazkuntza gastu berei".
Hala, haur baten gutxieneko premiak betetzeko etxe batek hilean 480 eta 590 euro artean hartu behar baditu bere gain, gobernuz kanpoko erakundeak proposatu du laguntza 250 eurokoa izatea lehen seme-alabarengatik eta 75 eurokoa gainerako bakoitzarengatik (300 euro eta 90 euro, hurrenez hurren, guraso bakarreko familia bada).
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.