Dagoeneko 20 dira Basurtuko Ospitaleko COVID-19 agerraldian kutsatutakoak
Nekane Murga Osasun sailburuak jakinarazi duenez, Bilboko Basurtu Ospitaleko COVID-19 agerraldiaren ondorioz kutsatutakoak 20 dira jada, atzo baino 10 gehiago. Guztietatik, 11 ospitaleko gaixoak dira, eta gainerako 9ak, profesionalak.
Murgak azaldu duenez, segurtasun neurriak indartu dituzte, eta kutsatutako guztiak daude isolatuta.
Bi positibo atzeman ondoren, guztira 230 PCR egin zaizkie kontaktu estuei. Emaitzen arabera, positiboen kopurua 20koa izan da (9 profesional eta 11 paziente) eta gainerakoak negatiboak izan dira.
Positibo guztiak isolamenduan daude, eta gainerakoei PCR proba errepikatuko diete datozen egunetan, osasun-egoera egiaztatzeko.
Txagorritxu
Bestalde, Txagorritxuko Ospitalean, Gasteizen, kontaktu estu, paziente eta profesionalei 102 PCR egin zaizkie guztira, eta soilik atzoko 4ek eman dute positibo (2 paziente, profesional 1 eta bisitari 1). Gainerako guztiek negatibo eman dute.
Gurutzetako Ospitalea
Azkenik, Gurutzetako ospitalean agerraldi berririk ba ote dagoen galdetuta, Murgak erantzun du positibo bakar bat izan dela, baina pertsona hori profesional eta paziente gehiagorekin egon denez harremanetan, hainbat pertsona isolatu dituztela. Osasun sailburuak azpimarratu du ez duela "agerraldi" maila, ez dagoelako ospitale barruan gaixotasuna transmititu den frogarik.
Eusko Jaurlaritzak segurtasun-neurriak indartu egingo ditu
Testuinguru honetan, Basurtun eta Txagorritxun izandako agerraldien ostean, Eusko Jaurlaritzak segurtasuna indartuko du, bai langileena baita gaixoena ere. Horretarako, hainbat neurri abiatuko ditu ondorengo egunetan; Jaurlaritzak ez du oraingoz zehaztu neurri horiek zeintzuk izango diren.
Arratsaldean, jarraipen-bilera egin dute Bilbon, Osakidetzan atzemandako ospitale barruko fokuen datuak aztertzea helburu. Iñigo Urkullu lehendakaria bertan izan da.
Topaketan, nabarmendu dute Osakidetzak berehala atzeman duela bi foku horien hasiera; hortaz, prebentziozko eta jarraipen-neurriak hartzeko aukera izan dute.
Bileran hainbat sailburu izan dira: Nekane Murga Osasun sailburua, Segurtasun sailburu Estefania Beltran de Heredia, eta Ekonomia Garapen sailburu Arantxa Tapia. Osakidetzako zenbait profesionalek ere parte hartu dute.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.