Bilboko hilketa drogarekin lotutako kontu garbiketa izan zelakoan dago Ertzaintza
Ertzaintzak agintaritza judizialaren esku utzi ditu gaur, astelehenarekin, goizean, Bilbon asteazkenean gizon baten hilketan parte hartu zutelakoan atxilotutako hiru pertsonak, eta droga trafikoak eragindako zor baten ondorengo kontu garbiketatzat hartu du hilketa.
Hiru gizonek biktimari arma zuri batekin eraso zioten, 22:20 aldera, García Salazar Jeneralaren kalean, eta hankan larri zauritu zuten. Udaltzainek tornikete bat egin zioten, eta osasun-langileek suspertu egin behar izan zuten ondoren, bihotz-biriketako geldialdia izan baitzuen.
Basurtuko Ospitalera larri eraman zuten, baina biharamunean hil zen.
Ertzaintzak ikerketa abiatu zuen, eta ustezko hiru parte-hartzaile (18, 21 eta 30 urtekoak) asteburuan atxilotu zituen; lehenengo biak Bilbon eta hirugarrena Barakaldoko etxe batean.
Barakaldoko etxebizitza miatzean, Poliziak “gertakariekin lotutako arropa eta frogak” aurkitu zituen, gainera.
Ertzaintzaren aburuz, erasoan erabilitako arma zuria labana bat izan zen, eta erasotzaileek zaborrontzi batera bota zuten. Oraindik ez dute aurkitu.
Ikertzaileek darabilten hipotesi nagusia da droga trafikoarekin lotutako zor baten ondorengo kontu garbitze bat izan zela.
Zure interesekoa izan daiteke
Athleticeko presidenteak jazarpena eta mehatxuak salatu ditu
Jon Uriartek Ertzaintzan salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko bolantak taldeak dantzan hartu du Korrikaren lekukoa. 126. kilometroa egin duenean izan da, hain zuzen ere, gaueko 04:00ak aldera. Azken urteotako tradizioari eutsi diote, dantzan jarri baitira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.