Poliziak alkoholdun hartzatxoak saltzea galarazi du Bilbon, Haribok eskatuta
Poliziak joan den astean Bilboko taberna batean alkoholdun hartzatxoak saltzea galarazi zuen; izan ere, Haribo multinazionalak iaz EAEko unibertsitario batzuek merkaturatu zituzten alkoholdun gominolak auzitara eraman ditu.
Euskal Herriko Unibertsitateko hiru ikaslek (Ander, Tamara eta Julen) Portugaleten sortu zituzten gominola horiek (alkohola % 15 dute), baina Haribok hartzatxoak merkaturatzeari uzteko eskatu du, Alemaniako enpresak saltzen dituen gozokiak antzekoak direlako.
Multinazionalak burofax bat bidali zien duela hilabete batzuk, produktu hori merkaturatzeari uzteko eskatuz, baina ekintzaile gazteek ez zuten atzera egin, eta aurrera jarraitu zuten. Orain arte, milioi eta erdi hartzatxo saldu dituzte, kutxa txikitan, Internet bidez zein tabernetan.
Joan den astean, Bilboko San Inazio auzoko taberna batean izan zen Polizia, "produktua erretiratzea eskatzeko, prozesu judizial batean gaudela argudiatuta", azaldu dute gazteek.
Ekintzaileen arabera, "Haribok mehatxatzeko burofax bat bidali zuenetik arazoak areagotu baino ez dira egin", baina gazteek atzera ez egitea erabaki dute.
Oraingoz, bost zaporedun hartzatxoak saltzen dituzte: vodka laranjarekin, gina eta marrubiak, whiskia kolarekin, rona ananarekin eta tekila limoiarekin.
Gazteen esanetan, ia bi urte eman zituzten ikertzen, eta "milaka hartzatxorekin esperimentatu" behar izan zuten. Umorez gaineratu dutenez, baina, "proiektu honen garapenean ez da hartzatxo bat bera ere zauritu".
Albiste gehiago gizartea
"Busti Zaitez" esklerosi anizkoitzaren gainean sentsibilizatzeko kanpainak 25 urte bete ditu
Esklerosi anizkoitza duten pertsonei elkartasuna adierazteko eta euren errehabilitazio-zentroetarako dirua biltzeko helburuz, ehunka pertsona "bustitu" dira Getxoko Ereaga hondartzan.
Eusko Legebiltzarraren 45. urteurrena ospatzeko emanaldi berezia izan da Donostiako Kursaalen
Imanol Pradales lehendakariak eta Bakartxo Tejeria Legebiltzarreko presidenteak Ganberatik igaro diren legebiltzarkide ohi guztiak eta egungoak ikuskizunera gonbidatu dituzte.
Palestinarekiko elkartasun mezua "esan behar" zuela dio txupinazoko protagonistak
Yala Nafarroa Palestinarekin plataformako ordezkariek "Stop genocide" eta "Free Palestine" oihukatu dute Sanferminetako txupinazoan, protokoloa hautsiz. Bat-bateko ekintza horrek ordezkari politikoen erreakzioa ekarri du.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Pertsona bat atxilotu dute sanferminetako txupinazoaren aurretik, Udaltzaingoak Santo Domingon kargatu ostean
Udaltzainek esku behar izan dute gazte-talde handi bat Udaletxe Plazara indarrez sartzen saiatzen ari zelako, polizia-hesia apurtuz eta sarbidea itxita zegoenean. Atxilotutako pertsonari desordena publikoak eta agenteen aurkako atentatua leporatu diote. Radio Euskadik grabatutako irudiak.
Panticosako bainuetxeko errepidea berriz ireki dute
Ostegunetik zegoen itxita, errepidera harriak eta lurra erori baitziren, ur-zaparrada batek eraginda.
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko gizonezko bat da.