Lau milioi pertsonari etxetik ez ateratzeko gomendioa, Bartzelonan eta Lleidan
Bartzelona eta haren metropoli-barrutiko, eta Segria eta Noguera Lleidako eskualdeetako lau bat milioi pertsonari etxetik ez ateratzeko gomendioa eman die Kataluniako Gobernuak, lanera joateko edo ezinbesteko erosketak egiteko ez baldin bada; izan ere, azken astean COVID-19 kasuak hirukoiztu egin dira zonalde horietan.
Meritxell Budo, Alba Verges eta Miquel Buch Presidentetza, Osasun eta Barne kontseilariek, hurrenez hurren, agerraldia egin dute ostiral honetan, neurriaren berri emateko. Procicat erakundearen markoan, Kataluniako biztanleen erdiari mugimenduak eta bizitza soziala murrizteko neurriak hartu dituzte.
Konkretuki, lau bat milioi pertsonari eragingo diete neurriek Bartzelonako metropoli-barrutian: hiriburua, Viladecans, El Prat de Llobregat, Sant Joan Despi, Sant Boi de Llobregat, Cornella, Sant Just Desvern, Esplugues de Llobregat, L'Hospitalet, Montcada i Reixac, Santa Coloma de Gramenet, Sant Adria de Besos eta Badalona.
Lleidan, Segriako zazpi udalerrik perimetroa itxita zuten dagoeneko, baina mugikortasuna eta bilera sozialak murrizteko gomendioa 30 bat udalerrira zabaldu dute, Noguerako eskualde osora eta gainerako Segria.
Transmisio komunitario “indartsua”
Alba Verges Osasun kontseilariak ziurtatu duenez, etxetik ez ateratzeko gomendioa eman duten zonaldeetan transmisio komunitario “indartsua” dago. Horrela, COVID-19 kasuak hirukoiztu egin dira azken astean, onartu duenez, baina datu zehatzik eman gabe.
Kataluniako ospitaleetako larrialdietara paziente gehiago heltzen ari direla aitortu du Osasun kontseilariak. Horietako batzuk ZIUn daude.
"Ospitaleak estutasunean jarri baino lehen ekin behar dugu", esan du agintariak, pandemiaren lehen olatuan gertatu bezala.
Hamar pertsona baino gehiagoko familiarteko bilerak eta irteera sozialak saihestea eskatu du Vergesek, "kutsatze gehienak testuinguru horietan gertatzen direlako", ziurtatu duenez.
"Jendeak erabakitzen jakin eta arriskuen berri izan behar du", azpimarratu du Vergesek. Osasun kontseilariaren ahotan, kasuen kopuruak behera egiten ez baldin badu "neurri zorrotzagoak hartu beharko ditugu", erabateko konfinamendua esaterako.
Bestalde, Meritxell Budok ziurtatu duenez, Sant Jordi jaia "ez ospatzeko aukera handiak" dira. Jadanik apirilaren 23an bertan behera utzi behar izan zuten konfinamenduagatik, eta uztailaren 23ra atzeratu zuten: "Gaia aztertzen ari gara, sektorearekin hitz egin behar dugu".
Epaileak Generalitatearen neurriak babestu ditu
Bestalde, epaileak atzera bota du Fiskaltzaren eskaera eta Kataluniako Gobernuak ezarriko dituen neurri guztiak legezkoak direla ebatzi du.
Bartzelonako epaitegiaren arabera, hamar pertsonatik gorako taldeak debekatzeak ez du biltzeko oinarrizko eskubidea urratzen: "osasun publikoa bermatzeko asmoz eskubide horri ezartzen zaion muga zuhurra eta arduratsua da".
Gauzak horrela, larunbatean, 09:00etan, sartuko dira indarrean kutsatzeak gelditzeko neurri murriztaileak. Hala, leku berean ezingo dira 10 lagun baino gehiago elkartu, tabernen eta jatetxeen edukiera % 50era mugatuko dute eta zinemak, antzokiak, gaueko tabernak eta gimnasioak itxi egingo dituzte.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.