100 kasu baino gehiago baieztatu dituzte Hospitaleten (Bartzelona)
COVID-19 agerraldi bat Hospitalet (Bartzelona) astintzen ari da. Astebetean 30 kasutik 100 baino gehiago izatera pasa dira, horietako batzuk adinekoen egoitza batean antzeman dituzte.
Kutsatu kopuruak gora egin ondoren, Nuria Marin bertako alkatea “kezkaturik” agertu da larunbat honetan.
Atzo arratsaldean agerraldiaren berri izan zutela azaldu du Marinek. Osasun Kontseilaritzarekin harremanetan jarri ondoren baieztatu zuten.
Agerraldiak bereziki hiriaren iparraldeari eragiten dio. La Torrassa, Collblanc eta La Florida auzoetan kasuak baieztatu dituzte, eta gutxiago Pubilla Casas auzoan.
La Torrassan, astebetean 4 kasutik 37 izatera pasa dira, zehaztu duenez. “Hamar aldiz biderkatu dira”, ohartarazi du agintariak. Paziente batzuk auzo horretako adinekoen egoitza batean daudela gaineratu du Marinek. “Bakarturik” daude, eta protokoloa martxan jarri dute.
Auzo horretako pazienteak familiartean kutsatu dira eta, “printzipioz, guztiak kontrolpean daude”, nabarmendu duenez.
Marinen hitzetan, agerraldia ez da “Segria eskualdekoa bezalakoa”, baina “kezkatzen gaituen albiste txarra da”. Horregatik, Osasun Kontseilaritzarekin jarraipenerako batzorde bat osatzea planteatu du.
Hospitalet Kataluniako bigarren hiria da. Ia 265.000 biztanle ditu, eta kilometro karratuko 21.053 pertsonako dentsitatea, Espainiako handienetako bat. Gainera, Bartzelonarekin eta metropoli-barrutiko beste hiru udalerrirekin muga du.
Alkateak deitoratu duenez, “okerrena pasa ondoren, konfinamendua”, orain arriskuan dira berriro, eta “aurrerapauso guztiak pikutara bidai dituzte”.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.