Fisika eta Ingeniaritza Elektronikoa, EHUn sartzeko nota altuena eskatzen duen gradua
13,199 da Fisika eta Ingeniaritza Elektronikoko Gradu Bikoitza egin nahi duten ikasleek unibertsitatera sartzeko izan beharko duten nota. Hain zuzen ere, horixe da Euskal Herriko Unibertsitatean (EHU) sartzeko nota altuena eskatzen duen gradua.
EHUk ohar baten bidez jakinarazi duenez, 16.430 ikaslek, iaz baino 1.000 gehiagok, egin dute aurrematrikulazioa 2020-2021 ikasturterako. Matrikulazio-epeari dagokionez, datorren astelehenean, uztailaren 27an, irekiko dute, eta ostegunera arte egongo da zabalik.
Nota altuena eskatu duten graduak hauek dira: Fisika eta Ingeniaritza Elektronikoko Gradu Bikoitza (13,199), Biokimika eta Biologia Molekularra (13,085), Medikuntza (12,871), Medikuntza euskaraz (12,631), Farmaziako eta Giza Nutrizioko eta Dietetikako Gradu Bikoitza (12,589), Bioteknologia (12,586), Double Bachelor's degree in Business and Economics (12,578), Politika Zientzia eta Kudeaketa Publikoko eta Soziologiako Gradu Bikoitza (12,308), Odontologia (12,273), Matematikak (12,268), Erizaintza Bizkaian (11,938), eta Ingeniaritza Mekanikoa eta Industria Elektronikaren eta Automatikaren Ingeniaritza (11.924).
Gainera, Adimen Artifizialeko Graduan sartzeko 11,824 nota eskatuko dute; Ingeniaritza Elektronikorako, 11,794; Ikus-Entzunezko Komunikazioko eta Kazetaritzako Gradu Bikoitzerako, 11,790; Kazetaritza eta Publizitatea eta Harreman Publikoetako Gradu Bikoitzerako, 11,769; Fisioterapiarako, 11,717; Enpresen Administrazio eta Zuzendaritza eta Zuzenbiderako, 11,716 (Bizkaian), eta Erizaintzako Gradurako, 11,700 (Bizkaian).
8.448 plazako eskaintza
Datorren ikasturterako EHUko fakultateek eta eskolek 8.448 plaza eskainiko dituzte. Horrez gain, EHUri atxikitako hiru zentroek beste 230 plaza izango dituzte, alegia, Gasteizko Erizaintzako Unibertsitate Eskolak, Bilboko Merkataritza Ganbera eta IMHren Ingeniaritza Dualaren Unibertsitate Eskola.
Bestalde, 103 gradu izango ditu, guztira, EHUk datorren ikasturtean, eta badira berrikuntzak ere: ingelesezko Business + Economics gradua eta beste hiru gradu bikoitz (Kazetaritza eta Publizitatea eta Harreman Publikoak; Ikus-Entzunezko Komunikazioa eta Kazetaritza eta Politika Zientziak eta Kudeaketa Publikoa eta Soziologia. Informatika Fakultatean, halaber, Adimen Artifizialeko Gradua estreinatuko dute.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.