123 koronabirus kasu gehiago atzeman dituzte EAEn azken orduetan
EAEn, 123 positibo atzeman dituzte azken 24 orduetan PCR proben bidez. Kasu berrietako 62 Bizkaian atzeman dituzte, 46 Gipuzkoan eta 13 Araban. Horrez gain, EAEtik kanpo bizi diren bi pertsonak positibo eman dute azken orduetan.
Azken zazpi egunetan pertsona bat hil da COVID-19aren eraginez.
Horrez gain, gaitza atzemateko 4.849 PCR egin zituzten atzo, Osasun Sailak ohar baten bidez jakitera eman duenez. Zehazki, ondorengo herri hauetan atzeman dituzte koronabirus kasuak:
Gipuzkoan: Arrasate (sei), Donostia (bederatzi), Eibar (14), Elgoibar (lau), Getaria (bi), Mutriku (bat), Orio (bat), Pasaia (bat), Soraluze (bat), Tolosa (bat), Zarautz (bost) eta Zizurkil (bat).
Bizkaian: Abadiño (bat), Zornotza (bat), Barakaldo (12), Basauri (bi), Berango (bat), Bermeo (bat), Bilbo (15), Erandio (bat), Ermua (bi), Galdakao (bat), Getxo (bost), Ispaster (bat), Markina-Xemein (bat), Morga (bat), Mungia (bat), Ondarroa (sei), Ortuella (bat), Portugalete (bat), Santurtzi (hiru), Sestao (hiru), Sondika (bat) eta Zaldibar (bat).
Araban: Laudio (bat) eta Gasteiz (12).
Azken orduetan positibo eman duten pertsonen profilari dagokionez, 59 emakumeak dira eta 64 gizonak. Gainera, positibo eman duten gehienek 59 urte baino gutxiago dituzte. Batez ere, 40 eta 49 urte bitartean dituzte (25 kasu).
COVID-19a duten beste 14 pazientek 10 eta 19 urte bitartean dituzte, eta kutsatutako 22 euskal herritar 20 eta 29 urte bitartean. Gainera, azken orduetan atzemandako 13 kasutan gaixoek 0 eta 9 urte bitartean dituzte.
Osasun Sailak jakinarazi du, halaber, positibo eman duten 22 pertsonek 30 eta 39 urte bitartean dituztela, beste 16k 50-59 urte bitartean, lauk 60-69 urte bitartean eta beste zazpik 70 urtetik gora
1,06 da gaurko R0 indizea (aldaketarik gabe).
Ospitaleetako egoerari dagokionez, egun lau pertsona daude zainketa intentsiboetako unitateetan ospitaleratuta, Osasun Sailak eguneroko prentsa oharrean emandako datuen arabera.
39 kasu gehiago atzeman dituzte Nafarroan
Bestalde, Nafarroan 39 kasu gehiago atzeman dituzte azken orduetan. Positibo gehienak (% 60 inguru) Iruñean eta eskualdean baieztatu dituzte, eta kutsatu gehienek (% 40 inguru) 15 eta 30 urte bitartean dituzt. Dena dela, aurreko asteekin alderatuta behera egin dute intzidentzia-mailek, Foru Gobernuak ohar baten bidez jakitera eman duenez.
Gaur egun, 37 pertsona daude ospitaleratuta koronabirusaren eraginez, horietako bat zainketa intentsiboetako unitatean. Astearte honetan ez da hildakorik izan; beraz, pandemia hasi zenetik 529 pertsona hil dira.
Horrez gain, dagoeneko 6.526 pertsona kutsatu dira Nafarroan, Espainiako Gobernuko Osasun Ministerioak asteazken honetan emandako datuen arabera.
Bestalde, asteartean, gaitza atzemateko 1.524 PCR proba egin zituzten Foru Erkidegoan.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.