Asteburu osora luzatu dute abisu horia tenperatura altuengatik
Eusko Jaurlaritzako Segurtasun Sailak abisu horia ezarri du asteburu osorako, espero diren tenperatura altuen ondorioz.
Ostiral honetarako, lau abisu hori ezarriko ditu Larrialdiei Aurre Egiteko eta Meteorologia Zuzendaritzak, lehena barnealdean espero diren muturreko tenperatura altuengatik (12:00etatik 19:00etara). Bigarren abisuda, dagoeneko indarrean dagoena, tenperatura altu iraunkorrengatik da (00:00etatik 24:00etara). Hirugarrena barnealdean baso-suteak izateko arriskuagatik da (00:00etatik 21:00etara); tenperatura altuak, hegoaldeko haizea eta hezetasun erlatibo baxua direla eta, eta laugarrena, berriz, ekaitzak direla eta sor daitezkeen haize-bolada oso gogorrengatik (15:00etatik 21:00etara).
Euskalmetek jakinarazi duenez, gaur bero izugarria egingo du barnealdean eta maximoak atzokoen antzekoak izango dira, baita altuagoak ere hego-ekialdean, batez ere Ebro bailaran.
Dena dela, goizak aurrera egin ahala, haizea ipar-mendebaldetik finkatuko da, Bizkaiko kostaldetik hasita, eta arratsaldean barnealdera zabalduko da. Hala, tenperatura maximoak jaitsi egingo dira, udako itxura galdu gabe. Kostaldean, ipar-mendebaldeko haizearekin, tenperaturak behera egingo du eguerditik aurrera.
Gainera, eguerdi partean bero-hodeiak ugarituko dira eta arratsalde-gau partean zerua apur bat hodeitsu egongo da; gainera, baliteke ekaitzak jotzea, haize-bolada gogorrekin batera.
Nafarroan alerta laranja ezarri dute gaurko. Zaparradak espero dira arratsaldean, ekaitzarekin batera. Hegoaldeko eta hego-ekialdeko haize ahula ibiliko da, eta arratsaldean iparraldera egingo du.
Tenperatura maximoak 36 ºC ingurukoak izango dira Kantauri isurialdean eta trantsizio eremuan, eta 37 ºC ingurukoak Ebroko ardatzean. Kostaldean, berriz, tenperatura maximoak 30 ºC-ren bueltan kokatuko dira. Termometroak 31ºC-ra iritsiko dira Bilbon eta Donostian, 37 ºC-ra Gasteizen eta 40 ºC-ra Iruñean.
Larunbaterako eta iganderako, beste bi abisu hori ezarri dituzte, bata muturreko tenperatura altuengatik (12:00etatik 19:00etara) eta bigarrena tenperatura altu iraunkorrengatik (00:00etatik 24:00etara). Tenperatura maximoak 35 ºC ingurukoak izango dira trantsizio eremuan eta 36 ºC ingurukoak Ebroko ardatzean. Kostaldean, berriz, tenperatura maximoak 27 ºC ingurukoak izango dira eta 33 ºC ingurukoak barnealdeko kantaurialdean.
Eguna nahasiagoa izango da larunbatean, eta tarteka hodeiak agertuko dira. Gauzak horrela, arratsaldean bero-hodeiak garatuko dira. Hala, goizean giro eguzkitsua nagusituko da eta arratsalde-gau partean bero-hodeiak.
Igandean hodei gehiago agertuko dira, bero-hodeiak gehienbat, eta Kantauri isurialdean behe-hodei batzuk ere ikusiko ditugu. Dena dela, zenbait unetan eguzkia gailenduko da eta ekaitzak izateko probabilitatea aurreko egunetan baino txikiagoa izango da.
Horrez gain, euria egin lezake kostaldean, batez ere azken orduetan. Termometroetan ez da aldaketa handirik espero; hegoaldean beroa nagusituko da, eta, Kantauri isurialdean, berriz, tenperaturak leunagoak izango dira, baina sargori sentsazioa izango dugu.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.