Ospitaleratzeek gora egiten jarraitzen dute EAEn, 110eraino
Covid-19ari lotutako ospitaleratzeek gora egiten jarraitzen dute EAEn, eta dagoeneko 110 dira ospitaleratutako pazienteak, horietatik 6 ZIUko oheetan. Bestalde, gaur 265era jaitsi dira PCR probetan atzemandako kutsatzeak.
Eusko Jaurlaritzako Osasun Sailak pandemiak azken orduetan izan duen bilakaeraren berri eman du, 5.274 PCR proba egin dituelarik, aurreko aldian baino 605 gehiago.
Ospitaleetan, koronabirus kutsatzeek eragindako okupazioak gora egiten jarraitzen du, eta 104 paziente daude gela arruntetan, igandeko 90 pazienteen aldean, eta 6 Zainketa Intentsiboetako Unitateetan (ZIU), aurreko osasun-txostenean baino 2 gehiago. Astelehenean beste 17 pertsona ospitaleratu zituzten, igandean baino 5 gehiago.
EAEko ospitaleetan ospitaleratzeek goranzko joerari eusten diote, Nekane Murga Osasun sailburuak berriki ohartarazi duen bezala; izan ere, joan den abuztuaren 1ean 8 paziente soilik zeuden ospitaleratuta EAEn, horietako 2 ZIUn.
Astelehenean atzemandako kutsatzeen erdiak Bizkaian izan ziren (180), azken egunetako beheranzko joerari eutsi diote lurraldean; izan ere, 263 infekzio izan ziren ostiralean, 246 larunbatean eta 204 igandean.
Araban ere behera egin du kutsatutakoen kopuruak, aurreko txostenarekin alderatuta (64). Gipuzkoan 44 infekzio zenbatu dituzte, aurreko 75 infekzioekin alderatuta.
Albiste gehiago gizartea
Gizon bat atxilotu dute Hernanin, urtebetean laugarren aldiz, pertsonen legez kanpoko trafikoa egotzita
25 urteko atxilotuak gidatzen zuen furgonetan bost pertsona gehiago zihoazen, modu irregularrean. Gainera, gidariak ez zuen gidabaimenik.
Gizon bat atxilotu dute denda bateko langileari genitalak ukitzea leporatuta, Gasteizen
Antza denez, susmagarria langilearengana hurbildu zen, produktuak apaletan jartzen ari zenean, eta genitalak ukitu zizkion.
Aburtok bizilagunen laguntza eskatu du Bilboko hilketaren egileak atxilotzeko
Igandean Solokoetxe auzoan labankadaz hil zuten 21 urteko gizonaren harira, atzoko eguna "oso gogorra" izan zela onartu du Bilboko alkateak. Halaber, hilketaren egileak aurkitzeko Ertzaintzarekin kolaboratzeko dei egin die bizilagunei.
Ertzaintza Bilbon hil duten 21 urteko gizonaren hiltzailearen edo hiltzaileen bila ari da
Erasoa igande goizean gertatu zen Solokoetxe auzoan. Biktimak arma zuriz egindako zauria zuen bularrean, eta Gurutzetako ospitalean hil zen gutxira.
Ibai batek eraman zuen adingabe baten gorpua aurkitu dute Bartzelonan, eta aitaren bila ari dira
Desagertuen ibilgailua sakan baten hondoan aurkitu dute, oso egoera txarrean; euri-jasa bortitzen ondorioz, ur-emaria handitu egin da, bi metro eta erdira arte.
Albiste izango da: "Karmele" Zinemaldian, udazkena helduko da eta Nazio Batuen Batzar Nagusia
Orainek gaur landuko dituen albiste nagusien laburpena.
Mogie Gym: gurpil gaineko kirola Pirinioetako herrietan
Aritz Carballok furgoneta soil bat entrenatzeko erabat hornitutako espazio bihurtu du. Orain arte gimnasiorik ez zegoen Nafarroako Pirinioetako landa-eremuetan dabil. Helburua da jarduera fisikoa eta ohitura osasungarriak eramatea horiek eskura ez dituztenei.
Pertsona bat hil da Trebiñun, auto-istripuz
Gaueko lehen orduan izan da ezbeharra, Araba 2124 errepidean. Bi ibilgailuk aurrez aurre jo dute eta errepidea itxi dute Burgoserako noranzkoan.
Euriteek arazoak eragin dituzte Montserraten eta bi pertsona desagertu dira Bartzelonan
Lekuko batek larrialdi-zerbitzuei dei egin die arratsaldean, Sant Quinti de Medionan, ibaiko urak auto bat arrastaka zeramala eta barruan bi pertsona zihoazela ohartarazteko. Ordu batzuk geroago, autoa aurkitu dute baina inor ez zegoen barruan.
27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta
Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik.