Basurtuk pabiloi bat bideratu du eta Gurutzetak bi solairu covid-19 kasuetarako
Kutsatze kopurua goraka egiten ari dela ikusita, koronabirusarekin gaixotutako pazienteak artatzeko pabiloi bat prestatu dute Basurtuko ospitalean, bi solairu Gurutzetako erietxean eta beste bat Galdakaoko ospitalean.
Azken asteetan ehunka kasu antzeman dituzte Bizkaian, eta gaur inoizko kopururik handiena detektatu dute egun bakarrean Euskal Autonomia Erkidegoan: 724 positibo.
Basurtuko zuzendaritzak ohar baten bidez jakinarazi duenez, Makua pabiloia prestatzea erabaki dute, ospitaleratzea behar duten koronabirus kasu gehiago egon daitezkeelako. Horretarako, bertan artatzen ziren pediatriako larrialdiak Pelayo pabiloira eraman dituzte.
Lekualdaketa horrek, ostiral goizean gauzatu dena, Basurtuko Unibertsitate Ospitaleko pediatriako larrialdien egungo kokalekua Makua pabiloian uzteko eta bertan koronabirusaren balizko kasu positiboak artatzeko aukera emango du. Bilboko osasun zentroak zehaztu duenez, lekualdatze horrek ez du eraginik izango jaioberrien arretan.
Neurria, apartekoa dena eta pediatriako larrialdietako zerbitzuaren erabiltzaileei ulermena eskatzen duena, "espazioen eskuragarritasuna bilatzera, baita pediatriako pazienteen segurtasuna zaintzera ere, segurtasun- eta arreta-neurri guztiak bermatzen dituen zirkuitu baten bidez" bideratuta dago.
Gurutzetako Ospitaleak, bere aldetik, bosgarren eta seigarren solairuak covid-19 pazienteak jasotzera bideratu dituela jakinarazi du. Zainketa intentsiboetako 69 ohe dituzte berton, eta beste bi eremu berri egokitzeko obrak egiten ari dira, ospitaleratze asko egon litekeen egoera batean ospitaleari 215 ZIU ohe emango lizkieke gaixo larriei arreta emateko.
Bestalde, Galdakaoko Ospitaleak jakinarazi du solairu bat prestatu duela koronabirusarekin gaixotutako pazienteak hartzeko. Halaber, kutsatuta egon daitezkeen pertsonentzako unitate berezi bat jarri dute, larrialdietan.
Horrez gain, ospitaleratzeko solairu bat egokitu egin dute, pneumoniagatik oxigenoa behar duten pazienteei bitarteko zaintza emateko.
Zure interesekoa izan daiteke
Gasteiz eta Bilbo arteko lineako zortzi bidaia kenduko ditu La Unionek
Autobus konpainiak errefortzu horiek kendu egingo ditu, eskari txikia dela eta: Gasteiztik Bilbora (05:50, 06:45, 13:30 eta 15:30) eta Bilbotik Gasteizera (06:30, 07:45, 09:30 eta 13:30).
Vatikanoa Cadizeko eta Ceutako gotzaina ikertzen ari da, 1994-2000 artean adingabe bati abusuak egin omen zizkiolako
Gotzaindegiak iragarri du agenda eten duela, eta baieztatu du "duela ia hogeita hamar urteko gertakarien inguruan egin diren akusazioak oso larriak eta faltsuak" direla. Espainiako Gotzainen Batzarrak "justiziarekiko konfiantza" adierazi du, eta Espainiako Nuntziatura Apositolikoaren Rotako auzitegiaren lana "errespetatu egiten" duela.
EAEko jaiotza-tasak % 2,1eko igoera izan du urteko bigarren hiruhilekoan
Horrekin batera, atzerriko nazionalitatea duten amen jaiotzak totalaren % 25,3 dira Euskadin. Bereziki nabarmentzekoa da Arabako kasua, % 32,5era iristen baitira.
?fmt=webp-alpha&qlt=80)
Greenpeaceko ekintzaile batek Madrilgo zerua zeharkatu du, Brasilgo COP30 goi-bileraren atarian
Greenpeaceko ekintzaile batek 30 metroko altueran zintzilik zegoen zinta bat zeharkatu du Madrilgo erdigunean, "Planeta, hari-harian" zioen pankarta batekin batera. Ekintzaren helburua "justizia klimatikoa" eskatzea zen, gaur Brasilen hasiko den Klimaren Goi-bileraren (COP30) atarian.
"Indarkeria isilak" eta mikromatxismoak ditu ardatz azaroaren 25eko Nafarroako erakundeen kanpainak
‘Egunerokoan ere ezkutatzen da indarkeria. Ikusaraz dezagun’, izango da Nafarroako leloa A25aren aurrean, emakumeen edozein kontrol, diskriminazio eta desbalorizazio moduren aurkako kanpainan. Taberna lehendakariordeak Foru Gobernuaren kanpaina bat aurkeztu du, emakume askok beren egunerokoan jasaten duten indarkeria psikologikoa, ekonomikoa eta sinbolikoa salatzeko
Indarkeria matxista denon ardura dela azpimarratuko du aurten azaroaren 25eko kanpainak
‘Ez da zure arazoa soilik, gurea ere bada’ izango da EAEko erakundeek aurkeztutako kanpainaren leloa, eta norbanako batzuen arazo izatetik urruti, gizarte osoari eragiten dion egiturazko arazoa dela eta emakumeak babesteko komunitateak osatzeko beharra nabarmenduko ditu.
Artxandako funikularra itxiko dute hiru egunez, mantentze-lanak egiteko
Udalak jakinarazi duenez, autobus zerbitzu berezia (E5 linea) martxan jarriko da, Bilbo eta Artxandaren arteko garraioa indartzeko. Zerbitzu hori A7 lineako ohiko autobusaren osagarri modura emango da, azken horrek normaltasunez jarraituko baitu.
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.