Osasun Sailak haurrak espazio publikoetan elkarren artean ez erlazionatzeko eskatu du
Nekane Murga Osasun sailburuak baieztatu du Euskadi koronabirusaren pandemiaren "bigarren olatuan" dagoela, goranzko joera nabarmenarekin, eta "haurrak espazio publikoetan euren artean harremanik izan ez dezaten" eskatu du, hala nola igerilekuetan, parkeetan, hondartzetan eta plazetan. Horrekin batera, bizikidetzarako "burbuila txikiak" sortzeko deia egin du, osasuna zaintzeko eta covid-19aren hedapena saihesteko.
Covid-19aren bilakaeraren berri emateko hedabideen aurrean egindako agerraldian, Murgak berretsi du bigarren olatu epidemikoa, "lehenengoarekin alderatu ezin den arren", eta ziurtatu du beharrezkoa dela datozen asteetan kutsatzeen hazkundearen "joera hori aldatzea".
Iraila "hilabete zaila" izango dela esan ostean, "guztion erantzukizuna" eskatu du ezarritako neurriak betetzeko. Horrez gain, gizarte harremanak murriztera deitu du, eta "txikienek euren artean espazio publikoetan harremanik ez izatera, hala nola, igerilekuetan, parkeetan, hondartzetan eta plazetan".
"Talde txikiak bilatu behar ditugu, eta kontaktuak kontrolatu. Gakoa da harreman-talde txikiak sortzea, burbuila txikiak, elkarrekin bizitzeko eta gozatzeko, baina birusari talde eta pertsona berrietara heltzeko aukerarik ez diogu eman behar. Txertoa zeu zara! Birusarekin bizitzeko dugun modua, une honetan saihestezina dena, gu guztion esku dago, zure eta nire esku ", ziurtatu du.
Murgak "mezu argia eta zuzena" helarazi nahi izan du: aste honetan onartutako murrizketa berriei “Euskadiko herritar bakoitzak lehen pertsonan konpromisoa hartzea” gehitu behar zaie, bai “bere osasuna babesteko” eta baita “inguruan dituen pertsonei transmisioa saihesteko” ere.
Ikasturtea hastean ikastetxeen jarduteko protokoloari buruz galdetuta, sailburuak azaldu du oraindik jarraibideen diseinuan lanean ari direla, ikasleen adinera egokituko direlako. Sailburuaren arabera "ikasgelen barruko harremanak partekatzearen" alde egingo da, positiboren bat izanez gero guztiak etxera bidali behar izatea saihesteko.
Murgak berretsi du, halaber, hezkuntzako langileei egingo zaizkien PCR probak ez direla orokortuak izango, baizik eta transmisio arrisku handiena duten pertsonei egingo zaizkiela. Horren harira, azaldu du ez dela gauza bera ikasle nagusiak dituen gela batean irakasle izatea, edota jantokian adin txikiko haurrekin harremanetan egotea.
Atzo sei autonomia erkidegok proba fasean jarri zuten koronabirusa kutsatzeko RadarCOVID alerta-aplikazio mugikorrari dagokionez, Murgak covid-19a geldiarazten lagun dezakeen edozein tresna baikor hartu du, baina gogorarazi du eraginkorra izatekotan, erabiltzaileen portzentajeak altua izan behar duela.
Azkenik, euskal herritarrak lasaitu egin nahi izan ditu, aplikazioa ez delako gaixoak "identifikatu eta zigortzeko" erabiliko, positibo bat dagoenean kontaktuen identifikazioa bizkortzeko baizik; horregatik, aplikazioa deskargatzera animatu ditu.
Zure interesekoa izan daiteke
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrentzat mendekotasuna sortzen duten eta kalte egiten duten produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.