Lau adineko hil dira Bizkaiko eta Arabako erresidentzietan
Bizkaian beste hiru egoiliar hil dira adinekoen egoitzetan koronabirusaren ondorioz. Gainera, 100 lagun gehiagok positibo eman dute eta beste 14 ospitalean daude.
Gizarte Ekintza Saileko Ikuskaritza eta Kontrol Zerbitzuaren arabera, covid-19ak beste hiru erabiltzaileren heriotza eragin du Bizkaiko adinekoen egoitzetan. Guztira, zazpi dira dagoeneko bigarren olatuan gaixotasunaren ondorioz hil diren pertsonak.
Gainera, 100 egoiliar gehiagok eman dute positibo, eta beste 14 ospitalean daude. Egun, Bizkaian sei egoitzetan atzeman dituzte covid-19aren kasuak: Truiondo-Zamudio (26), IMQ Igurco Zorrozgoiti-Bilbao (28), Elorduy-Barrika (26), Miranda Fundazioa (1), Ballesol-Bilbao (5) eta IFAS Elorrio (14).
Horrez gain, Birjinetxeko unitate soziosanitario espezializatuak 88 pertsona hartu ditu koronabirusaren infekzio-kasuak artatzeko. Horietatik 61 egoitza-zentroen sareko erabiltzaileak dira, eta beste 27, ostera, hauskortasun-egoeran daudenak dira. Berrogeialdia egiten ari dira ospitaleratu ondoren.
Langileei dagokienez, dagoeneko 78 dira PCR probetan positibo eman dutenak, eta beste 79k isolamendu prebentiboan jarraitzen dute.
Halaber, Araban, Zuiako Sortzez Garbiaren egoitzan beste adineko bat hil da asteazken honetan koronabirusarekin.
Arabako Foru Aldundiak azaldu duenez, beste gaixotasun batzuk ere bazeuzkan eta medikuak erresidentzian artatu ostean, erietxera bidaltzeko agindua eman du, eta han hil da.
Horrez gain, lau positibo gehiago antzeman dituzte Txagorritxun eta bana Ariznabarran, Lakuan eta Ajuriako eguneko zentroan.
Bi positibo berri erregistratu dira Donostiako gizarteratze-zentroan eta Zumarragako unitate soziosanitarioan
Donostian gizarteratze-baliabide bat erabiltzen duen pertsona batek eta Zumarragako Argixaoko unitate soziosanitarioan berrogeialdia egiten ari den beste batek positibo eman dute azken orduetan.
Bestalde, azken 24 orduetan ez da koronabirus kasu berririk izan Gipuzkoako adinekoen egoitzetan. Eider Mendoza foru bozeramaileak adierazi duenez, Gizarte politiketako foru departamentuak jasotako informazioan oinarrituta, azken orduetan Donostian gizarteratzeko baliabide baten erabiltzaile batek positibo eman du, eta Zumarragako Argixaoko unitate soziosanitarioan ospitaleratu ondoren berrogeialdia egiten ari den beste pertsona batek ere positibo eman du.
Ondorioz, eta PCR probak egiten jarraitzen duten bitartean, gizarteratzeko baliabidearen bizikidetza-unitatea eta unitate soziosanitarioan kaltetutako sektorea isolatu dituzte.
Adinekoen egoitzei dagokienez, 65 zentrok eta 5.425 plazek osatzen dute sarea, eta oraindik ere sei pertsonak positibo eman dute, guztiak ere egoitza-multzo beraren erabiltzaileak, Donostiako Hermano Garate-San Inazio.
Horietako lau Eibarko Ospitaleko azpiegitura soziosanitarioan daude, eta bik ospitaleko arreta behar dute. Abuztuaren 11n lehen positiboa eman zutenetik, bi pertsona hil dira COVID-19arekin, Hermano Garate-San Inazio zentroko egoiliarrak biak.
Albiste gehiago gizartea
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua emango duela iragarri izana
ELA eta LAB sindikatuek ohartarazi dutenez, psikologo horiek "ez dute espezialitaterik, eta ezin izango dute tratamendurik diagnostikatu eta bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.