Gipuzkoako Senideak elkarteak egoitzetako senideen geletara sartzen uztea eskatu du
Gipuzkoako egoitzetako erabiltzaileen senideen elkarteak, egoitza publikoetan eta itunpeko egoitzetan dituzten gertukoen egoera ikusita, logeletan sartzen uzteko eskatu dio Gipuzkoako Foru Aldundiari, "arropa eta gainerako objektu pertsonalak zaintzeko eta antolatzeko beharrei erantzuteko asmoz".
Funtzio hori erreferentziazko senidearen eskubideen artean sartzea proposatu dute, "BOEn lehendik dagoen legezko figura bat, Mugarik Gabeko Medikuek eta Gizarte Eskubideen Estatu Idazkaritzak gomendatua", eta figura hori baliarazteko eskatu dute, "bereziki krisi garaian".
Gipuzkoako Senideak elkarteak gelarako sarrerak prebentzioko osasun-arau guztiak betez egitea proposatu du, "betiere erreferentziazko pertsona bera izanik, gutxienez hamabost eguneko maiztasunarekin".
Era berean, zentroa itxita dagoela ere, funtsezko zaintzaren ardura duen pertsonak senidea astean hirutan bisitatu ahal izatea eskatu du elkarteak.
Halaber, "egoitzen eta egoiliarren eta senideen arteko harremanen oinarrizko elementu guztiak modu homogeneoan protokolizatzea" eskatu du, eta komunikazio-bide "estandarizatu" bat, "informazio guztia gardentasunez eta eguneratuta emateko, zentroen egunerokotasunari eta, bereziki, osasun-krisiari dagokienez".
Azkenik, elkarteak zentroetatik bideo-deiak "etengabe eta maiz" ezar ditzatela eskatu du, bisita protokolizatuak posible izan arren; izan ere, teknologia berriek "eguneroko elkarrizketa ahalbidetzen dute, eta hori ezinbestekoa da gure senideengan hainbesteko eragina duen isolamendu-egoera batean".
Albiste gehiago gizartea
Herriak eta hiriburuak prestatzen ari dira San Juan bezpera ospatzeko, urteko gau magikoena
Suak izango diren lekuak atontzen ibili dira egunean zehar. Eguraldiaren iragarpenaren arabera, litekeena da egunaren amaieran trumoi-zaparradak botatzea. Iruditan, Donostiako prestaketak.
Beroa eta prezipitazioak direla eta, abisu horia ezarri dute astearterako EAEn
Beroagatik ezarritako abisua 12:00etatik 18:00etara egongo da indarrean. Euriagatiko abisua, berriz, 15:00etan aktibatuko da eta gauerdira arte egongo da indarrean.
Motorzale bat larri zauritu da Bidankozen, auto batekin talka egin eta aldapa batetik behera erorita
Ezbeharra igandean jazo zen, 19:45ean, NA-2130 errepideko 8,9 kilometroan. Zauritua Nafarroako Unibertsitate Ospitalera eraman zuten, femurra hautsita zuela.
Zerura begira, San Joan bezperan
Iparraldean ostarteak zabalduko dira, baina adi hegoaldean, iluntzean trumoi-zaparradak botako ditu eta.
Bederatzi pertsona zauritu dira Galdakaon, auto batek harrapatuta
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Joan jaietan. Dirudienez, ibilgailua kontrola galdu du, biribilgune batean irrist egin duelako, eta hesiaren atzean zeuden ikusleak aurretik eraman ditu.
Hainbat zauritu Galdakaon, auto-erakusketa batean
Ezbeharra Urreta auzoko San Joan jaietan gertatu da. Zaurituak Galdakaoko Ospitalera eraman dituzte; hala ere, gehienek ez dute zauri larririk, lehen informazioaren arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.