Musukoa derrigorrezkoa izango da Lapurdiko kostalde osoan, eremu gorrira igaro ostean
Frantziako Gobernuak eremu gorrira igaro zuen atzo Ipar Euskal Herria, COVID-19aren zirkulazio handia dela eta: asteazkenean, 100.000 biztanleko 51,2 kasu zeuden Pirinio Atlantikoetako departamentuan, eta atzo, 57,2. Gaur, Eric Spitz Pirinio Atlantikoetako prefetak koronabirusari aurre egiteko neurri berriak iragarri ditu: maskara derrigorrezkoa izango da beste zenbait hiritan eta mugatu egingo da bildu daitekeen lagun kopurua.
Oraingo neurri hauek "arinak" direla esan du Spitzek, eta egoerak hobera egiten ez badu neurri "zorrotzagoak" hartuko dituztela ohartarazi du.
Toki itxietan eta enpresetan derrigorrezkoa da jada maskara erabiltzea Iparraldean. Kalean, baina, orain arte Baionako, Biarritzeko, Bidarteko, Ziburuko, Ezpeletako, Getariko, Donibane Lohizuneko eta Donibane Garaziko erdiguneetan baizik ez zen derrigorrezkoa. Gaurtik aurrera, ordea, Hendaian, Hiriburun, Bokalen eta Angelun ere derrigorrezkoa izango da.
Eric Spitzek iragarri duenez, "neurria errespetatzen ez duenak 135 euroko isuna izanen du; eta hamabost eguneko epean errepikatzen bada, 1.500 eurokoa".
Hemendik aurrera, gainera, gehienez 10 pertsona bildu ahal izango dira, eta topaketa horiek tabernan izanez gero, eserita egon beharko dute derrigor. Zutik ezingo da ezer kontsumitu.
Dena dela, erabaki horiek guztiak ez dira oraindik Frantziako Egunkari Ofizialean argitaratu. Bihar argitaratuko direla iradoki du Spitz prefetak, eta, beraz, astelehenetik aurrera izango lukete balio juridikoa.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.