Kutxabanken irudia erabiliz iruzur egiteko asmoa duen kanpaina baten berri eman dute
Kutxabanken irudia erabiliz iruzur egiteko asmoa duen phishing saiakera baten berri eman du bezero batek ostiral honetan, banku horren izena erabiltzen duen mezu elektroniko bat jaso ostean. Konpainia horrek eitb.eus-i baieztatu dionez, iruzur saiakera horren berri dute jada, eta, beraz, zaintza aktiboa ezarri dute.
Mezu horretan, Kutxabanken irudi korporatiboa agertzen da, eta pertsona horren txartela "desaktibatu" egin dutela ohartarazten da, bere kontuan izandako "jarduera susmagarri baten ondorioz".
Gainera, "data jakin batetik aurrera" ezingo duela banku-eragiketarik egin ziurtatzen dute. Posta elektronikoko testuan, ordea, data adieraztea ahaztu dute, eta horrek argi islatzen du engainu saiakera bat besterik ez dela.
Ondoren, mezuak "sarbidea berrezartzeko esteka" ematen du, baina bezeroaren datuak lapurtzeko erabil liteke. Kutxabanketik jakinarazi dutenez, horretarako erabiltzen zituzten webguneak blokeatu dituzte jada.
Horren aurrean Kutxabankek egindako ohartarazpenaren arabera, horrelako iruzurrezko kanpainak azkenaldian ugaritu egin dira, eta esteka susmagarririk ez irekitzeko eskatu dute. Ildo horretatik, bankuak aholku batzuk eman ditu horrelako iruzurrak saihesteko:
- Ez eman inori zure sarbide-datuak, ez txartelarenak, ezta kontuarenak ere. Kutxabankek soilik bere kanal ofizialetan eragiketak egiten ari zarenean eskatuko dizkizu datuak eta sarbide-gakoak.
- Mezuaren bidaltzailea ezagutzen ez baduzu, ez zabaldu. Kontuz ibili larrialdiko informazioa duten edo COVID-19arekin zugana zuzendutako mezu elektronikoekin.
- Ezagutzen ez dituzun bidaltzaileen mezuetan fitxategiak atxikita badaude, ez ireki, eta ezagutzen ez duzun helbide elektroniko batetik edo SMS mezu bati lotura duten webgunerik ez bisitatu eta ez jaitsi.
- Interneten bidez erosketak egiten badituzu, sortu txartel birtual bat urruneko bankaren bidez. Egokitu txartelen mugak emango diezun erabileren arabera.
- Ez jaitsi ofizialak ez diren aplikazioak; izan ere, birusak izan ditzakete edo ordenagailuan kalteak eragin.
- Ez zabaldu sasi-informaziorik edo albistegi ofizialetatik ez datorren albisterik.
Zer da phishing-a?
Gaizkileek Interneteko erabiltzaileak (ordenagailu zein mugikorren bidezkoak) engainatzeko erabiltzen duten teknika bat da. Konfiantzazko webgune baten izena erabiliz, erabiltzaileen datu pertsonalak lapurtzea du helburu.
Horrelako praktikak ingelesezko phishing (arrantza) izenaz ezagutzen dira, amua erabiliz datuak biltzea baitute helburu. Iruzurgileek segurtasun alertak bidali ohi dituzte egiazkoak diruditen mezuen bidez. Normalean esteka bat izaten dute, eta hori sakatuta, erabiltzailearen sarbide-gakoak edo bestelako datu pertsonalak eskuratzen dituzte.
Zure interesekoa izan daiteke
Guggenheimek Urdaibairako daukan proiektuaren etorkizuna, argitzear
Gaur egingo du erabakia hartzeko bilera Guggenheim museoaren patronatuak. EITBk duela aste batzuk jakin ahal izan zuenez, gehiengoak proiektua alboratzearen alde egingo du.
Kamioilari bat hil da AP-8an Irunen izandako istripu batean
Bi kamioik elkar jo dute Baionaranzko norantzan. Ondorioz, autobidea itxi behar izan dute eta auto-ilarak sortu dira.
Gehiago eta hobeto bizitzen ikasteko proiektu batean parte hartzen ari dira 65 urtetik gorako 600 bizkaitar
Biobizkaia Institutuaren azterketak mendekotasuna prebenitzea eta osasuna zaintzea du helburu, baina ez da azterketa medikoetan bakarrik geratzen. Parte hartzaileek nutrizioari, mikrobiotari eta ohiturei buruzko hitzaldiez ere gozatzen dute, beren ongizatearen hobetzen laguntzeko.
Euskadi eta Katalunia Unescoren eta Turismoaren Nazioarteko Erakundearen kide izatea sustatuko du Espainiako Gobernuak
Horrekin batera, "estatutu zabalago bat" eskatu du Espainiako Gobernuak, "lurralde horiek kulturaren eta turismoaren arloan dituzten eskumenak garatu ahal izateko". Juntsekin adostutako akordioen barruan kokatu du iragarpen hori Pedro Sanchez presidenteak.
Padura artifizialak sortu eta etorkizuneko eraikinetako kotak igoko ditu Jaurlaritzak, itsas mailaren igoerari aurre egiteko
Egoerarik okerrenean, itsasoaren maila 0,72 metro igo liteke 2100. urterako. Horrek guztiak zuzenean eragingo die EAEko biztanleriaren % 32ri (700.000 pertsonari baino gehiagori) kostaldean eta bokaletik hurbil dauden ibai haranetako biztanleei. Hori dela eta, Eusko Jaurlaritza onartu du, behin-behinean, Itsasertza Babestu eta Antolatzeko Lurralde Plan Sektorialari.
Duela 80 milioi urte baino gehiago Barrikan (Bizkaia) izandako glaziazio batek ezbaian jarri ditu eredu klimatikoak
Kretazeoan izotzik gabeko Lur planeta baten aukera errefusatuko luke aurkikuntza horrek, eta komunitate zientifikoan errotuta dagoen ideia hautsi, hau da, garai hartako klima izugarri beroa izan zela, planetaren historiako tenperatura altuenetakoak izateraino.
Gizon bat atxilotu dute Santurtzin, faltsututako Athleticen 2.070 kamiseta izateagatik
Atzemandako materialak 132.000 euroko balioa izango luke merkatuan, Bizkaiko Guardia Zibilak egindako kalkuluen arabera. Atxilotuari jabego industrialaren aurkako delituak egitea leporatzen diote.
Gizon bat atxilotu dute Araban, adingabeen argazkiak AArekin manipulatu eta haur pornografia sortzea egotzita
Poliziaren arabera, atxilotutakoak adingabeen argazkiak hartzen zituen kalean eta igerileku publikoetan, eta adimen artifizialarekin manipulatzen zituen biluzik ager zitezen.
'Aita Mari'k 53 pertsona lehorreratu ditu Italian, hiru egunez nabigatu ostean
Aita Marik pasa den ostiralean Mediterraneoan erreskatatutako 56 lagunetik 53 lehorreratu ditu Italiako Brindisi portuan. Izan ere, bi hilabeteko haur bat eta haren gurasoak Italiako kostazainek artatu zituzten, haurrak muturreko desnutrizioa eta deshidratazioa zituelako.
Ehunka lagun elkartu dira Zestoan, "elkartasun feministagatik" auzipetutako sei pertsonen aldeko elkarretaratzean
Herriko sei bizilagun epaituko dituzte datorren astean, integritate moralaren aurkako delitua egotzita. Akusatuetako emakumeetako baten bikotekide ohia da salaketa jarri duena, kalte egin diotela bere izen onari argudiatuz, duela urte batzuk indarkeria matxista leporatu ziotelako.