Udaltzaingoak Gasteizko gaztetxea hustu eta 40 pertsona salatu ditu
Gasteizko udaltzainek gaztetxea hustu dute astelehen honetan, arratsaldeko azken orduan, eta 40 pertsona salatu dituzte.
Udaltzaingoak jakitera eman duenez, 20:00ak pasata, Gasteizko Alde Zaharrean zaintza-lanak egiten ari zen patruila batek lokala irekita zegoela ikusi zuen eta barruan jendea zegoela.
Udaltzainek lokalaren barruan zeuden 40 pertsona identifikatu zituzten, eta salaketa jarri zieten, Eusko Jaurlaritzako Osasun Sailaren agindua betez. Agindu horrek gazteen lonjetan eta antzeko ezaugarriak dituzten lokaletan jarduera oro debekatzen du.
Udaltzainek gaztetxeko arduraduna identifikatu zuten, eta, eraikina hustu ostean, itxita geratu zen.
"Arrazoi politikoak"
Gasteizko gaztetxeko kideek, euren aldetik, ziurtatu dute udan hasi zirela COVID-19aren kutsatzeari aurre egiteko prebentzio, segurtasun eta garbitasun neurri guztiak betetzen, eta astelehenean udaltzaingoak identifikatu eta salatu zituen pertsonak areto ezberdinetan bilduta zeudela, protokolo propioak ezarritako segurtasun neurriak betez.
Gasteizko gaztetxeko ordezkariek prentsa agerraldia egin dute astearte honetan, bezperan gertatutakoaren berri emateko. Agerraldian nabarmendu dute gaztetxeak 30 urte daramatzala jarduera politiko, sozial eta kulturalean, eta deitoratu dute udaltzaingoak oraindik "gazteen lokaltzat" jotzen duela.
Osasun arrazoiak "aitzakia" bezala erabilita, asteleheneko jazoeraren atzean "arrazoi politikoak" daudela adierazi dute, eta "jarduera legala" duten beste gune batzuek hartutakoen antzeko prebentzio neurriak ezarri dituztela esan dute berriro.
Agerraldia bukatzeko, gaztetxea defendatzeko deia egin dute, "bertan egiten den lan politiko, soziala eta kulturala deslegitimatu nahi dutenen aurrean".
Zure interesekoa izan daiteke
26 urteko emakume bat larri zauritu da Lerinen izandako trafiko-istripu batean
NA-122 errepidean gertatu da ezbeharra. Antza, ibilgailua bidetik atera da eta hainbat itzulipurdi eman ditu.
Maider Etxebarriak hiriko proiektuen balantzea egin du, Andra Mari Zuriaren jaien atarian
"Urte emankorra izan da hiriarentzat", adierazi du Maider Etxebarria Gasteizko alkateak. Hurrengo erronka Andra Mari Zuriaren jaiak dira. 400 ekitaldi baino gehiago daude programatuta datozen egunetarako.
Jaurlaritzak "erantzukizun argiak" dituen "egiturazko migrazio plana" eskatu die Espainiari eta Europari
Melgosa sailburuaren hitzetan, Ceutan gertatutakoa "oso larria da" eta Eusko Jaurlaritza aspalditik ohartarazten ari den zerbait berresten du: "migrazioak aspaldi utzi zion egoera koiuntural bat izateari".
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.