Donostian ez da San Tomas jairik egingo, ezta danborradarik ere, COVID-19a dela eta
Eneko Goia Donostiako alkateak jakinarazi duenez, abenduan ez da San Tomas jairik egingo, ezta 2021eko danborradarik ere, COVID-19ak eragindako pandemiaren ondorioz. Gainera, Olentzeroren eta Errege Magoen desfileen ordez "beste aukera batzuk" aztertzen ari dira.
Tokiko Gobernu Batzordean jorratutako gaien berri emateko prentsaurrekoan, Gabonetan ez dela desfilerik egingo aurreratu du Goiak; izan ere, COVID-19ak eragindako pandemiaren ondorioz jende-pilaketak saihestu behar dira. Hori dela eta, "arduragatik" erabaki dute aurten desfilerik ez egitea.
Testuinguru horretan, "zenbait jarduera" garatu ahal izateko "beste aukera batzuk" aztertzen ari direla esan du, eta umeak lasaitu ditu, Errege Magoak eta Olentzero gure artean egongo direla esanez.
"Toki jakinetan jende-pilaketak sortzen ez dituzten aukerak bilatu behar ditugu", nabarmendu du Donostiako alkateak. Nolanahi ere, San Tomas eguna abenduaren 21ean ospatzea "ezinezkoa" dela esan du.
Gauzak horrela, aurten ez da San Tomas azokarik egingo. Gainera, "ez da erraza" festa horren ordez "zerbait sinbolikoa" antolatzea, egun horretan "jende asko biltzen delako".
Danborradari dagokionez, helduen eta haurren danborradekin aurretik egindako lanaren ostean, hartutako erabakia bozeramaileen batzordearekin partekatuko dute ostegunean.
Gauzak horrela, ez ditu baztertu horren ordez anolatu daitezkeen "beste jarduera sinboliko batzuk", baina danborradek ez dute ohi bezala desfilatuko, izan ere, "agerikoa da koronabirusak eragindako egoera".
Albiste gehiago gizartea
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.