EAEko herritarren % 48k kontrol eta isolamendu neurri zorrotzagoak nahi dituzte
Koronabirusaren pandemiaren aurrean, Euskal Autonomia Erkidegoko herritarren erdiak bat datoz kontrol eta isolamendu neurri zorrotzagoak ezartzearekin, eta herritarren % 70ek begi onez jo dute Espainiako Gobernuaren eta Eusko Jaurlaritzaren arteko kudeaketa partekatua, Lehendakaritzako Prospekzio Soziologikoen Kabineteak egindako ikerketaren arabera.
Horretarako, 1.430 pertsona galdekatu dituzte, telefono bidez, 2020ko urriaren 13a eta 17a bitartean.
Esan bezala, hamar lagunetik zazpik uste dute "egokiagoa" litzatekeela bi gobernuen arteko kudeaketa partekatua. % 17k, baina, nahiago dute Jaurlaritzak hartzea agindua, eta % 3k soilik egin dute Espainiako Gobernuaren alde horretan.
Hartu beharreko neurriei dagokienez, % 48k murrizketa zorrotzagoak nahi ditu; % 45ek, aldiz, nahikoa dute orain arteko neurriekin.
Txertoa
Gehienak txertoa jartzearen aldekoak badira ere, zuhurtziaz jokatu nahi dute. Bitik batek (% 47k) txertoa jartzeko asmoa erakutsi du, segurua eta eraginkorra bada. Horretarako, ordea, beste pertsona batzuengan txertoak izan dituen ondorioen berri izan nahi dute aurretik.
Herritarren % 30ek lehenbailehen nahi dute txertoa, eta % 20k ez dute txertatzerik nahi. Arrazoien artean dute, besteak beste, txertoaren segurtasunari buruzko zalantzak. Txertorik nahi ez dutenen % 15ek (herritar guztien % 3k) uste dute txertoak orokorrean kaltegarriak direla.
Birusak ekonomian izan duen eragina
Galdekatuen % 35en egoera ekonomikoak okerrera egin du, martxoaz geroztik. % 32ren iritziz, urtebete barru are okerragoa izango da egoera ekonomikoa. Kontrara, % 47k pentsatzen dute bere horretan geratuko dela, eta % 13k hobera egingo duela.
Ohiturei buruz galdetuta, bidaiak asko aldatuko direla esan dute herritarren % 33k, lan egiteko moduan eragina izango duela uste dute galdetutakoen % 29k, harremanak ez dira lehengora bueltatuko % 29ren iritzian, eta kontziliazioan ondorioak ekarriko ditu, herritarren % 26ren aburuz.
Kontziliazioa
EAEko herritarren % 25en ustez, pandemian zehar, etxeko lanetan eta zaintzan areagotu egin da emakumeen eta gizonen arteko desberdintasuna; % 53ren aburuz, ez da batere aldatu, eta % 10en iritziz, murriztu egin da.
16 urtez azpiko seme-alabak dituztenen % 47ren esanetan, zailagoa da orain kontziliazioa, baita menpekotasuna duten pertsonak zaintzen dituztenen % 31ren iritzian.
Zure interesekoa izan daiteke
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital bat izango du oinarri.