Alerta gorrian dauden udalerrietatik ez ateratzea gomendatu du Jaurlaritzak
Egoera epidemiologiko larriena duten 25 udalerrietan mugikortasuna mugatzeko gomendioa eman du Eusko Jaurlaritzak, eta Euskadi osoan, esparru ezberdinetan, aforoa murrizteko beste neurri batzuk iragarri ditu.
Gotzone Sagardui Osasun sailburuak jakitera eman duenez, ostiral honetan bi agindu argitaratuko dituzte EAEko Aldizkari Ofizialean, horietako bat gorriz sailkatutako 25 udalerri horietarako, 14 egunetan 100.000 biztanleko 500 positibo baino gehiago pilatzeagatik, eta beste bat Euskadi osorako.
25 udalerrien kasuan, ia 304.000 biztanle dituzte, bertatik ez ateratzeko, ezta sartzeko ere, gomendioa eman du Jaurlaritzak, osasun arrazoiengatik, lan egiteko, ikasteko, menpekoak zaintzeko, etxera itzultzeko edo ezinbestekoa ez baldin bada.
Elkarbizitza talde iraunkorretatik kanpo bilera sozialak saihestea eta ezinbestekoa ez den edozein jarduera bertan behera utzi edo atzeratzeko eskatu du Jaurlaritzak.
Gipuzkoan 20 udalerri daude alerta gorrian: Andoain, Astigarraga, Azkoitia, Azpeitia, Beasain, Deba, Eibar, Elgoibar, Hernani, Lazkao, Legazpi, Lezo, Oñati, Ordizia, Pasaia, Tolosa, Urnieta, Urretxu, Zumaia eta Zumarraga.
Bizkaian, berriz, bost: Abadiño, Durango, Elorrio, Ermua eta Lekeitio. Araban ez dago herririk alerta gorrian.
Euskadi osoan aforoak % 50era murriztuko dituzte ostalaritzan, kultura ikuskizunetan eta ekitaldi erlijiosoetan, eta bilerak sei pertsona baino gehiagokoak ez izateko "gomendioa" eman du Exekutiboak, besteak beste, EAEko Auzitegi Nagusiak sei pertsona baino gehiagoko bilerak "debekatzeko" baimenik ez baitu eman.
Gauzak horrela, EAEko Aldizkari Ofizialean bi agindu publikatuko dituzte ostiral honetan eta biak berehala sartuko dira indarrean.
Lehendabiziko aginduan, Euskal Autonomia Erkidego osoan aplikatuko dituzten neurri murriztaileak eta gomendioak aipatzen dira. Eta bigarren agindua alerta gorrian dauden 25 udalerriei zuzenduta dago.
Bilera amaituta egin duen agerraldian, Gotzone Sagardui Osasun sailburuak esan du Bizi Berri planaren laugarren agertokian dagoela EAE, eta horrek birusaren transmisioa altua dela esan nahi duela ohartarazi du.
Amaitzeko, eta EAEko Justizia Auzitegi Nagusiak Jaurlaritzaren neurriak berretsi ez dituela kontuan hartuta, herritarrei dei egin dei arduraz joka dezatela eta prebentzio neurriak bete ditzatela eskatuz.
Zure interesekoa izan daiteke
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.