Bi artilleria-jaurtigai aurkitu dituzte Azkoienen eta Castejonen
Azkoiengo eta Castejongo bi herritarrek aurkitu dituzte artilleria-jaurtigai biak, beren lursailak lantzen ari zirela. Nafarroako Guardia Zibilaren arabera, jaurtigaiek 80 urte inguru zituzten, eta nahiko herdoilduta zeuden; horrek arriskua areagotzen du, oker erabiliz gero.
Kasu bietan, herritarrak izan dira Guardia Zibilari deitu eta aurkikuntzaren berri eman diotenak. Deitu eta berehala aktibatu dute lehergailuak aurkituz gero martxan jarri ohi duten protokoloa. Guardia Zibilaren Herritarren Segurtasun Saileko kideak berehala bertaratu dira aipatutako tokietara, eta segurtasun-perimetroa ezarri dute kalte pertsonalak ekiditeko.
Aurkikuntzak baieztatutakoan, Guardia Zibilak leku seguru batean leherrarazi ditu jaurtigaiak, kalte pertsonalak edota materialak eragitea saihesteko.
Lehergailuak Indargabetzeko Unitate Bereziak adierazi duenez, Azkoiengo lehergailua 105 mm-ko kalibrea duen artilleria-jaurtigaia da eta Castejonen aurkitutakoa, berriz, 75 mm-koa.
Aurkikuntza horiei buruz mintzatuz, Guardia Zibilak ohartarazi du debekaturik dagoela lehergailuak edukitzea, salerosketan ibiltzea edota bilduma gisa gordetzea.
Zaharrak eta herdoilduak egoteak ez du kaltegabeak direnik esan nahi, material leherkorra izan baitezakete barruan. Hortaz, Guardia Zibilak adierazi duenaren arabera, ez da komeni inolaz ere manipulatzea, eta horrelako bat aurkituz gero, 062 telefonora deitzea edota ALERTCOPS aplikazioaren bidez kontaktuan jartzea komeni da.
Zure interesekoa izan daiteke
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.
Navarreria kaleko harrapaketan zauritutako bi lagunak egonkor daude, bat ZIUtik kanpo
Gertatutako argitzeko ikerketak zabalik jarraitzen du.