Txertoa lortu arteko bidea "luzea" dela iritzita, zuhurtzia eskatu du Sagarduik
Gotzone Sagardui Eusko Jaurlaritzako Osasun sailburuak asteazken honetan ohartarazi duenez, COVID-19aren txertoa lortzeko bidea "luzea" da oraindik eta, bien bitartean, zuhurtziari eta prebentzio neurriei eustea eskatu du.
Bizkaia Irratiari eskainitako elkarrizketan, Osakidetzak txertaketa plan asko dituela nabarmendu du. Ildo horretan, gaur egun martxan dagoen gripearen aurkako txertaketa kanpaina gogoratu du. Gripearekin egin bezala, COVID-19aren kontrako txertaketa kanpaina ere antolatuko duela adierazi du.
Dena dela, kanpaina martxan jarri aurretik, "zer txerto mota izango den edo txertoa eraginkorra izateko zer baldintza bete behar diren" jakin behar dela azaldu du, eta, xehetasun horiek ezagutu ondoren, Osakidetzak txerto kanpaina antolatzeko gaitasuna izango duela gaineratu du. Ildo horretan, Eusko Jaurlaritzako Osasun Saileko eta Espainiako Gobernuko Osasun Ministerioko teknikariak txertoen ezaugarriak aztertzen ari direla azpimarratu du.
"Urtarrila hor egon arren txertorako bidea luzea da, eta bien bitartean, zuhurtziaz jokatu behar dugu eta prebentzioari eutsi behar diogu, gero egin beharko dugun bezala. Txertoak onartu egin behar direla lehenik, eta, onartu ondoren, pentsatu behar dugu nola egokitu behar diren Euskadin zabaltzeko. Baina horretarako bide luzea dago aurretik", azpimarratu du.
Halaber, Osasun sailburuak deitoratu egin du Pedro Sanchez Espainiako Gobernuko presidenteak astelehenean aurkeztutako txertaketa planaren berri "prentsaren bidez" eduki izana. "Hori ez da elkarlanerako eta gobernantzarako bidea", salatu du. "Badakigu Espainiak jasoko dituela txertoak, Europako Batzordeak hala erabaki zuelako, baina horrek ez du esan nahi hori zabaltzeko modu hoberik ez dagoenik, guk eman beharko baitugu txertoa gure osasun zentroetan", zehaztu du.
Bestalde, Gotzone Sagarduik gogorarazi duenez, egungo neurri murriztaileak abenduaren 10era arte egongo dira indarrean. Datuak "hobetzen ari direlako itxaropentsu" daudela onartu arren ohartarazpena egin du: "hobeto gaude, baina ez gaude ondo". "Bidea luzea da, eta badirudi ahaztu egiten zaigula nondik gatozen, ez gatoz egoera on batetik", gaineratu du.
"Egoera on batera iristeko, (intzidentzia) asko jaitsi behar dugu", esan du. "Ez dezagun ahaztu nora iritsi behar dugun, ez 500 kasutik behera (100.000 biztanleko 14 egunetan metatutako intzidentzia-tasan), 60ra baizik. Hor dago gure helburua", azaldu du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.