Olentzero eta Mari Domingi Arriaga Antzokian izango dira abenduaren 23an eta 24an
Olentzero, Mari Domingi, Lamia eta Galtzagorriek ez dute hutsik egingo Bilborekin eta etxeko txikienekin izango duten hitzorduan. COVID-19aren ondorioz ekitaldi masiboak eskaintzeko ezintasuna dela eta, Udalak Gabonetako pertsonaia nagusien presentzia izateko alternatibak programatu ditu.
Olentzeroren aurtengo ikuskizuna desberdina izango da, ikazkinaren, Mari Domingiren eta laguntzaileen osasuna bermatzeko, baita harrera egiten dieten familia guztiena ere. Arriaga Antzokian antzerki- eta musika-emanaldia izango da, iraupen laburrekoa, 30 minutu ingurukoa, ahalik eta haur gehienek gozatu ahal izan dezaten.
Horretarako, abenduaren 23an eta 24an bost funtziotan aurkeztuko den kontakizun bat sortu du Udalak. Kontuan hartuta Arriaga Antzokiak 300 laguneko edukiera ezartzen duela funtzio bakoitzeko, segurtasun-araudia betetzeko, eta ordubete behar dela funtzio baten eta bestearen arteko garbiketa-lanak egiteko, ordutegiak hauek izango dira:
Abenduaren 23an, 16: 00etan, 18: 00etan eta 20: 00etan.
Abenduaren 24an, 11: 00etan eta 13: 00etan.
Sarrerak Arriagaren webgunean eskuratu ahal izango dira, abenduaren 21etik aurrera. Olentzeroren ikuskizuna ikusteko tiketek 2 euroko prezio sinbolikoa izango dute eta erosketa bakoitzean 4 txartel erosi ahal izango dira gehienez.
Horrela, edukiera zainduko da, eta eragotzi egingo da erabiliko ez diren sarrerak sal daitezen. Udalak aholkatzen du espazioa adingabeentzat gordetzea, lehentasuna eurena baita umeentzako ikuskizuna gozatzeko, eta heldu bakarra joan dadila haiekin.
Sarreren salmentarekin lortutako diru-bilketa haurrentzako proiektuak garatzen dituen irabazi-asmorik gabeko gizarte-erakunde bati bideratuko zaio.
Bertaratzen diren pertsona guztiek nahitaez erabili beharko dituzte maskarak, eta ikusleen arteko segurtasun-distantzia bermatuko da, eta gela hidroalkoholikoa izango dute eskura.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.