Juan Cuatrecasas: "Hamar urte eman ditut egoera begetatiboan"
Haron (Errioxa) egin dugu hitzordua, hotel bateko kafetegian. Aspaldi ez dugula Juan Cuatrecasas gaztea ikusi. Behin bakarrik egon gara berarekin, duela lau urte. Orduko hartan, Radio Euskadik Bilbon dituen estudioetara etorri zen: mutiko isila zen, ez zuen hitz egin ia; agurtu genuenean, moketari begira geratu zen, begirada altxatu ezinda. Halere, han zegoen, gure estudioetan. Aitak hartu zuen hitza. Semeari Opus Deiko Gaztelueta ikastetxeko maisu batek egindako sexu abusuak kontatu zituen, zintzotasunarekin eta duintasunarekin. Gehien maite duena apurtu diotela sentitzen duen batek egin dezakeen modura.
Elkarrizketa hartan, aitak Dani Alvarez lankidearekin zuen solasa entzun zuen Juan Cuatrecasas semeak. Estudio barruan egon zen, baina ez guztiz. Entzun egin zuen, baina ez aditu. Minak bizitza estaltzen zuen.
Lau urte geroago, Juanekin topatu gara berriro. Elkarrizketa proposatu genionean, ez genuen uste eskainiko zigunik. Baiezkoa erantzun zuen, ordea. "Hitz egitea erabaki dut, ez ausardiagatik, arazoei aurre egiteko unea delako. Itzalean egoteari utzi nahi diot. Hitz egiteak osatu egin du". Hala, gaur Juan Cuatrecasas semeari egindako elkarrizketa esklusiboa kaleratu dugu Radio Euskadiren "Boulevard Informativo"n.
Cuatrecasas gaztea, elkarrizketaren une batean. Argazkia: Radio Euskadi
Juanek 24 urte ditu, eta bizitza berri bat Madrilen. Unibertsitatean hasi da: "Zuzenbidea ikasten ari naiz, niri gertatu zaidana gorabehera, justizian sinesten dudalako". Bizitzaren erdia harrapatu dion auzi honetan azkena da Auzitegi Gorenak murriztu egin duela Bizkaiko Lurralde Auzitegiak irakasleari ezarritako zigorra: 11 urtetik bi urtera. "Oso txarto hartu nuen albistea, sinets diezazukete ala ez, baina nabardurekin sinestea oso mingarria da", azaldu du. Dena dela, Juanek ez du damurik prozedura judizial luzea abiatu izanagatik: "Hasieran, dena zen oso kontraesankorra. Ez nintzen kontziente aurre egin behar nuenaz. Azkeneraino heldu banaiz atzean dudan jendeagatik izan da: familia, abokatua, psikiatra…"
Gazteluetako ikaskide ohien babesik ez du sumatu. "Bakar bat ausartu zen gertatutakoa, ikusi zuena kontatzen. Eta ez zuen dena ikusi", azaldu du.
Zuhurtasunez ari da, heldutasunez. Ez du gorrotoz berba egiten, Gazteluetako irakasle batek egindako abusuak bizitzatik deskonektatu zuten arren: "Hamar urte eman ditut egoera begetatiboan, nire adineko mutiko batek egin ditzakeen gauzak egin gabe. Nahi bai, baina ezin duzu".
Elkarrizketaren une batean ikastetxearen edo Opus Deiren barkamen eskea espero duen galdetu diogu. Erantzun digunez, "nahi badute egin dezatela eurengatik, ematen ari diren itxuragatik". Argi du barkamen eskea ez dela helduko: "Erasotzailea babesten jarraitzen dute. Nik ez dut gezurrik esan, ez nago zoratuta. Horri eustea da erasotzailea babesteko duten modu bakarra, geratzen zaien bakarra".
Aurrera jarraitzeko lanean ari da Juan. Jakin badaki gertatutakoa betiko izango duela hor. Oraindik burura etortzen zaizkio pairatu zituen sexu abusuen oroitzapenak. "Nire iraganaren zati bat dira. Horrekin bizitzen ikasi behar dut", aitortu digu. Oraingoan begietara begiratuz esan digu, ezpainetan irribarre lotsati bat duela; etorkizun zaporea duen irribarrea.
__________________________
Jatorrizko informazioa Radio Euskadik landu eta eitb.eus-ek itzuli du.
Zure interesekoa izan daiteke
Jende askok agurtzen du urtea Gorbeian eta Pagasarrin gailurra eginez
Tradizioz edo gustu hutsez, jende askok erabaki du urtea mendian agurtzea. Gorbeia, 1.482 metrorekin, jende gehien biltzen duen tokietako bat izan da berriro, eta 2026rako agur eta zorionak emateko irudiak iritsi dira bertatik. Eta hain gora igo beharrik gabe, Pagasarrikoa bezalako ibilaldi irisgarriagoak Gabonetako erromesaldi gune bihurtu dira aurten ere.
Gizon bat hil da Legution, auto batek eta furgoneta batek talka eginda
Istripua errepideko 22. kilometroan gertatu da, Barazar mendaterantz doan errepidean, auto batek eta furgoneta batek talka egin dutenean.
Mahatsik gabe eta gominolekin: Haurrak protagonista, Basaurik eguerdian 2025ari agur esan dio
Eguerdiko 12:00etan kanpaien hotsarekin 2025ari agur esan diote Basaurin, haurrek urte-aldaketa giro onean eta ordutegi egokian ospatu dezaten. Gauerdira arte itxaron gabe, merkatari elkarteak antolatzen duen festa urtez urte sendotzen doa; gero eta familia gehiagok parte-hartzen dute. Arizgoitiko plazan bildu dira ume eta guraso ugari, jai giroan. Kanpaiekin batera, mahatsak beharrean, 12 gominola jan dituzte.
Zer egin behar dugu eta zer ez Gabon zaharreko afarian norbait mahatsekin trabatzen bada?
Gurutze gorriak gogorarazi du nola jokatu behar den Gabonetako otorduetako larrialdi kasuen aurrean, bideo baten bitartez.
41 pertsona hil dira aurten trafiko istripuz Euskal Autonomia Erkidegoan, iaz baino lau gehiago
Heriotza kopuruak nabarmen gora egin du Araban (16), zazpi hildako gehiagorekin, aldiz jaitsi egin da Gipuzkoan (16) eta mantendu, berriz, Bizkaian (9).
San Silvestre lasterketak: urtea korrika eta festa giroan amaitzeko aukera ezin hobea
Hego Euskal Herriko hiriburuei dagokienez, San Silvestre lasterketa 12:30ean hasiko da Gasteizen, 16:30ean Bilbon eta 16:45ean Iruñean.
Mahatsak zuritu eta luzeka lau zatitan mozteak eztarria trabatzea saihets dezake 5 urtetik beherakoetan
Adituek argi diote ahal den heinean saihestu egin behar dela haur txikiek mahats osoak, fruitu lehorrak edo gozoki gogorrak jatea, eta janez gero, beti heldu bat ondoan dutela egin behar dutela. Gainera, eztarrian geldituz gero nola jokatu azaldu dute.
Hauek izango dira Euskadin 2026an egingo diren epaiketa nagusiak: hilketa matxistak, homizidioak eta Osakidetzako oposizioen ustezko filtrazioak
Hainbat prozesuk interes judiziala izango dute ardatz datorren urte osoan.
Bilbok etiketarik gabeko ibilgailuentzako epea itxiko du gaur Emisio Gutxiko Eremuan
Abenduaren 31tik aurrera, A ingurumen mailako auto gehienak ezin izango dira herriko erdigunera sartu, salbuespen zehatzak izan ezik. Beraz, zer ibilgailuk jarraitu ahal izango dute EGEn sartzen?
Pirotekniaren erabilerari buruzko araudia: debekatuta Donostian eta Iruñean, 15 minutuko baimena Gasteizen eta arduraz jokatzeko deia Bilbon
Eusko Jaurlaritzako Segurtasun Sailak eta udalek pirotekniari buruzko araudia errespetatzeko eta suziriak eta petardoak erabiltzean kontu handiz ibiltzeko eskatzen die herritarrei.