Antigenoen testean positibo eman duten ospitaleratuak zenbatzen hasi da Osakidetza
Osakidetzak koronabirusagatik ospitaleratutakoen kopurua zuzendu du eta, kontaketa berriaren arabera, orain arte zenbatu gabeko 254 erietxeratu gehiago izan dira bi astean. Gaur gaurkoz, 513 gaixo daude covid-19arekin Euskal Autonomia Erkidegoko ospitaleetan. Lehen, PCR proban positibo ematen zutenak soilik hartzen zituen kontuan ospitaleratuen datua ematerakoan, eta aurrerantzean antigenoen testean positibo eman dutenak ere kontuan hartuko ditu.
Koronabirusari buruzko azken datuen arabera, positibo tasa % 5,5ra jaitsi da. Abenduan % 6aren azpitik kokatzen den hirugarren aldia da.
Azken orduotan 450 positibo berri zenbatu dituzte eta 513 gaixo daude covid-19arekin EAEko ospitaleetan.
Udalerrietako intzidentzia aintzat hartuta, Arrigorriaga, Eibar, Ermua, Arrasate eta Ordiziak eremu gorrian jarraitzen dute.
Osasun Saila: "Ospitaleko datuetan izandako akatsak ez die eragiten covid-19aren adierazleei"
Osasun Sailak ziurtatu duenez, covid-19ari buruz eguneroko aldizkarian jasotako ospitaleratzeei buruzko "akatsak" ez du pandemiaren bilakaerari buruzko "adierazleen kalkulua" oztopatzen, eta akats hori (ospitaleratutako pertsonen kopurua handitzen duena) azaroaren 15etik edo 16tik gertatu da.
Osakidetzak atzo iragarri zuenez, aldatu egin da gela arruntetan ospitaleratutakoen kopurua, PCR positiboa zuten gaixoak bakarrik zenbatzen baitziren, eta ez antigenoen testarekin diagnostikatutakoak. Ondorioz, 127 ospitaleratu gutxiago zenbatu dira.
Gotzone Sagardui Osasun sailburuak eta Iñaki Berraondo sailburuordeak agerraldia egin dute asteazken honetan Eusko Legebiltzarrean, pandemiaren bilakaeraren berri emateko, eta "datuen erauzketan egindako akats" hori (prozesu "automatizatua" dena) aipatu dute, "atzeman bezain laster" zuzendu dutena.
Nolanahi ere, Sailaren eguneroko buletinak "informazio publikorako" funtzioa duela azaldu dute, eta ez kudeaketakoa. Halaber, erabakiak hartzerakoan "datuak eguneratuta daude", azpimarratu dute. Gainera, akatsak ez du eraginik ZIUen kalkuluan, pandemiaren bilakaerari buruzko adierazleetako bat baita, gaineratu dutenez.
Sagarduik esan du, halaber, covid-19ak beheranzko joerarekin jarraitzen duela, baina motelduta, eta kutsatzeen kopuruak "altua" izaten jarraitzen duela. Hori dela eta, adierazi du beharrezkoa dela "zuhurtasunari" eustea, txertoa EAEra iritsi arte. "Oraingoz itxaron egin behar da; pazientzia eskatzen dut", esan du.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.