Sagardui: "Ospitaleratuen zenbaketan izandako akatsak ez du kudeaketan eragin"
Covid-19ak jota, Euskadin ospitaleratutako pertsona kopuruari buruz orain arte emandako datuetan ez dituzte antigenoen proben bidez diagnostikatutako gaixoak kontuan hartu, eta Gotzone Sagardui Osasun sailburuak horri buruz esan du "akatsa" izan dela. Gainera, ziurtatu du akats horrek ez duela pandemiaren kudeaketan inolako eraginik izan.
Astero eman ohi duen prentsaurrekoan onartu du Sagarduik datuen argitalpenean izandako akatsa. Izan ere, atzo bertan Jaurlaritzak jakinarazi zuen azken bi asteetako txostenak "eguneratu" dituztela, ospitaleratzeei buruzko datuak oker zeudelako.
Hala, datuen berrikuspena egin ostean, igandera arte ospitaleratutako gaixoen kopurua bikoiztu egin da.
Osakidetzak berak ere atzo iragarri zuen plantan ospitaleratutakoen kopurua nabarmen aldatu dela, PCR positiboa zuten gaixoak soilik hartzen zituztelako kontuan, eta ez antigenoen testarekin diagnostikatutakoak. Ondorioz, 127 ospitaleratu gutxiago zenbatu zituzten.
Esan bezala, Osasun sailburuak eta Iñaki Berraondo sailburuordeak agerraldia egin dute asteazken honetan Eusko Legebiltzarrean, pandemiaren bilakaeraren berri emateko, eta "datuen erauzketan egindako akats" horri buruz (prozesu "automatizatua" dena) mintzatu dira.
Nolanahi ere, Osasun Sailaren eguneroko buletinak "informazio publikorako" funtzioa duela azaldu dute, eta ez kudeaketakoa. Halaber, erabakiak hartzerakoan "datuak eguneratuta daude", azpimarratu dute. Gainera, akatsak ez du eraginik ZIUen kalkuluan, pandemiaren bilakaerari buruzko adierazleetako bat baita, gaineratu dutenez.
Sagarduik esan du, halaber, covid-19ak beheranzko joerari eutsi diola, "baina motelduta", eta kutsatzeen kopuruak "altuak" izaten jarraitzen duela. Hori dela eta, beharrezkotzat jo du "zuhurtziaz" jokatzea, EAEra txertoa iritsi arte. "Oraingoz itxaron egin behar da, pazientzia eskatzen dut", esan du.
Gardentasuna
Sagarduik nabarmendu du Osasun Sailak eta Osakidetzak modu "garbian" jokatu dutela uneoro, eta arazoaren berri izan dutenean datuak eguneratu dituztela. "Nahita egindako zerbait izan dela pentsatzea akatsa da", erantsi du.
Txertoak
Txertaketa noiz hasiko den galdetuta, gogora ekarri du Erresuma Batuan lehen txertoak jartzen hasiko direla, eta "gurera ere" iritsiko direla. Hala eta guztiz ere, "pzientzia" eskatu die herritarrei.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.