Gaur hasiko da negua, urteko egunik laburrenarekin
Gaur, astelehena, abenduak 21, 11:02an neguan sartu gara ipar hemisferioan, Espainiako Institutu Geografikoak zabaldu dituen Behatoki Astronomikoaren kalkuluen arabera. Urtaro honek 90 egun baino gutxiago iraungo du (88 egun eta 23 ordu), 2021eko martxoaren 20ra arte.
Astelehenean, beraz, neguko solstizioa da ipar hemisferio osoan, hego hemisferioan udako solstizioaz gozatzen duten bitartean.
Gure latitudean urteko egunik laburrena izango da, eta Eguzkiaren izpiek urteko beste edozein momentutan baino zutasun gutxiagorekin helduko dira gurera. Hori da hurrengo hiru hilabeteetan etorriko zaizkigun tenperatura baxuak ulertzeko gakoa.
Zirkulu Polar Artikotik iparraldera ez dute astelehen osoan eguzki izpirik ikusiko, eta Zirkulu Polar Antartikotik hegoaldera egun osoan ikusiko dute eguzkia zeruan. Are gehiago: Ipar Poloan sei hilabeteko gaua hasiko da eta Hego Poloan sei hilabeteko egunari emango diote hasiera.
Gure latitudean, abenduaren 21etik aurrera, egunak pasatu ahala, eguna gero eta luzeagoa izango da, martxoan udaberriko ekinoziora heldu arte. Momentu horretan, egunak eta gauak luzera bera izango dute.
Neguan zehar, Lurra beste edozein urtarotan baino gertuago dago Eguzkitik, gure planetaren orbita izarraren inguruan ez baita zirkularra. Zehatz esanda, 2021eko urtarrilaren 2an emango da perihelioa, hau da, planeta osoa Eguzkitik gertuen egongo den momentua. Hori, baina, gure urtaro hotzarekin batera izaten da, bi astroen arteko distantziak ez baitu tenperatu baxua eragiten.
Espainiako Institutu Geografikoak esan duenaren arabera, ez da eklipserik egongo.
Gainera, horren hitzetan, gaueko zeruan Marte izango da nagusi, baita Jupiter eta Saturno urtarril erdialdera arte, eta Merkurio urtarril osoan zehar. Egunsentiko zeruetan, Venus izango da ikusgai otsail erdialdera arte, eta Merkurio, Jupiter eta Saturno agertuko dira ordutik aurrera.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.