Ehundik gora positibo berri atzeman dituzte Nafarroan, bosgarren egunez jarraian
Nafarroako Foru Gobernuak emandako behin-betiko datuen arabera, 100eko langa gainditu dute berriz ere covid-19 kasu berriek, bosgarren egunez jarraian. Izan ere, 103 positibo atzeman ziren atzo, ostirala, Foru Erkidegoan.
Astelehenean 102 kasu zenbatu ziren, asteartean 130, asteazkenean 138 eta ostegunean 139.
Nafarroako Gobernuak kutsatze kopuruaren goranzko joera hori herritarren interakzio sozial eta familiar handiagoari egotzi dio.
Atzo 1.287 proba egin ziren (1073 PCR eta 214 antigeno) eta horietako 103 izan zirenez positiboak, positibitate tasa % 8ra igo da.
Gainera, aurreko egunetan beste bost pertsona hil zirela jakinarazi zuten atzo: 87 eta 102 arteko lau emakume eta 89 urteko gizon bat. Datu positibo gisa, atzoko egunez ez zen inor hil covid-19arekin.
Guztira, 968 pertsona hil dira Nafarroan, eta 42.674 pertsona kutsatu dira pandemia hasi zenetik.
Eremuka, Iruñean eta bere eskualdean atzeman zituzten kasu positibo berrien % 75, Tutera aldean % 9, Lizarra aldean % 1 eta gainerakoak ( % 15) Nafarroako beste eremu batzuetan banatu ziren.
Adinaren arabera, 15 eta 29 urte bitartekoak ( % 39) eta 45 eta 59 urte bitartekoak ( % 24) izan ziren kasu berrien gehiegoa. Jarraian, 30 eta 44 urte bitarteko taldea ( % 15), 15 urtetik beherakoen taldea ( % 12), 75 urtetik gorakoen taldea ( % 7) eta 60 eta 75 urte bitartekoen taldea ( % 3).
Ospitaleei dagokienez, atzo 6 ospitaleratze izan ziren (bi ZIUn). Une honetan 130 pertsona daude ospitaleratuta covid-19a dela eta, horietatik 20 ZIUn.
Datuak ez dira onak EAEn ere
Bestalde, koronabirusak Euskadin duen eraginak goranzko joera mantendu du azken 24 orduotan. Kasu berri gutxiago atzeman dituzte, baina positibitate tasa % 7,3ra igo da, Osasun Sailak larunbat honetan jakitera eman duenez. Bezperan % 6,9koa izan zen eta aurreko egunetan % 6 inguruan egon zen.
Atzo, 4.139 froga diagnostiko egin ziren (PCR eta antigeno testak) eta horietatik 302 positiboak izan ziren. Aurreko egunean 490 kasu atzeman zituzten, baina proba gehiago ere egin zituzten: 7.111.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.