Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Milaka lagun, 3.000 Udaltzaingoaren arabera, atera dira kalera larunbat arratsaldean, Bartzelona erdigunean Rodaliesen zerbitzuaren gainbehera salatzeko, eta Adif eta Renfe konpainiei zein administrazio publikoei galdegiteko berma dezatela behingoz tren garraio duin bat.
Rodaliesen erabiltzaileen plataforma nagusiek deituta, 17:00etan atera dira manifestariak Bartzelonako França geltokitik, eta Sant Jaume plazan amaitu dute protesta ekitaldia.
Gaurko honetan Bartzelonan Rodaliesen kaosa salatzeko egin duten bigarren manifestazioa izan da aipatutakoa. Izan ere, eguerdian alderdi eta erakunde independentistek deituta, protesta jendetsua egin dute Kataluniako hiriburuan.
Arratsaldeko manifestazioak, bedtalde, 150 erakunderen babesa jaso du; besteak beste, Omnium Culturalena, bizilagun eta udal erakundeena, Kataluniako sindikatuena eta Greenpeace erakundearena.
"Trenik gabe ez dago etorkizuna" leloa zeukan Rodaliesen erabiltzaileen ordezkariek zeramatzaten pankartak.
Eguerdiko manifestazioa
Milaka lagunek bat egin dute larunbat honetan Assamblea Nacional Catalana (ANC) eta Consell de la Republica Catalana (CDrep) elkarteek "Prou! Unica via: independencia!" lelopean Bartzelonan deitu duten manifestazioan, Rodaliesen egoera salatzeko. 8.000 pertsona bildu dira, Bartzelonako Udalaren arabera, eta 30.000, deitzaileen arabera. Junts, ERC eta CUPeko kideek ere parte hartu dute manifestazioan.
Lluis Llach ANCko presidenteak "Estatuak Kataluniari etengabe egiten dizkion umiliazioak" salatu ditu kazetariei egindako adierazpenetan.
Jordi Domingo Kataluniako Errepublikaren Kontseiluko presidentearen hitzetan, Kataluniako defizit fiskalak eragin du arazoa, urtean 25.500 milioi eurokoa baita.
Omnium Culturaleko presidente Xavier Antichek ere gogor kritikatu ditu "kataluniarrenganako diskriminazioa eta tratu txarrak, azpiegituretan inbertsiorik ez egitearen ondorioz".
Junts ordezkatuz, besteak beste, Jordi Turull idazkari nagusia izan da manifestazioan. Turullen esanetan, erabiltzaileekiko "lehen keinua" Silvia Paneque Lurralde kontseilariaren eta Oscar Puente Garraio ministroaren kargugabetzeak izan beharko lirateke.
CUPeko diputatu Dani Cornellaren arabera, Katalunia "zatika erortzen ari da", eta Rodalies "icebergaren punta" baino ez dela salatu du.
ERCk Laura Pelay idazkariordea bidali du goizeko manifestaziora, eta hark ere Panequeren eta Puenteren dimisioak eskatu ditu, baina ERCk "konponbideak mahai gainean" jartzen dituela eta ez dela protesta egitera mugatzen ere esan du, Espainiako Gobernuarekin egindako azken akordioari erreferentzia eginez . Hori dela eta, Renfek eta Generalitateak enpresa misto bat sortuko dute.
Kataluniako Gobernuak "ulertzen du" Rodaliesek eragindako ezinegona, eta konponbideen politikaren alde egin du
Albert Dalmau Generalitateko Presidentetzako kontseilariak esan du Kataluniako Gobernuak "ulertu eta errespetatu" egiten duela Rodaliesen zerbitzu eskasagatik dagoen ezinegona, baina ezinegona konponbideak bilatuta bideratu behar dela esan du, ez dela "frustrazioan" geratu behar.
Kataluniako Gobernuak "zezenari adarretatik heltzea" erabaki duela esan du, eta lanari ekitea, Rodaliesen egoera "behin betiko konpontzeko".
Zure interesekoa izan daiteke
Telekomunikazioen eta telefoniaren alorra da kontsumitzaleen artean erreklamazio gehien eragiten dituena
Bigarren postuan bankuen sektorea dago, eta hirugarren lekuan energia eta ur hornidurarekin lotutako kexak daude. EAEko kontsumo erreklamazioen erdiak online egindako erosketetan sortu dira.
EAEko nerabeen % 61,2k uste dute gurasoak adin berean baino hobeto daudela, 2008tik izandako daturik txarrena
Hori da Eusko Jaurlaritzaren Haurren, Nerabeen eta Gazteen Behatoki berriak egindako "Nerabeak Euskadin. Egoeraren pertzepzioa eta balioak" txostenaren ondorioetako bat.
Ekain Perrinok "marikoi zikina" oihukatzen zioten bitartean kordea galtzeraino jipoitu zuten akusatu guztiak ezagutu ditu
2021eko ekainaren 6ko goizaldean Perrinori eraso egitea egotzita hamaika pertsonaren kontrako epaiketa hasi da astelehen honetan Bizkaiko Lurralde Auzitegian. Biktimak kontatu duenez, orduan izandako lesio fisikoez gain, lesio psikikoak ditu eta tratamendu psikiatrikoa jasotzen ari da oraindik.
Eusko Jaurlaritzak Haurren eta Nerabeen Behatokia eta Gazteen Behatokia bateratu ditu, aldaketei aurrea hartzeko
Ongizate, Gazteria eta Erronka Demografiko Sailak egitura sendoagoa, koherenteagoa eta eraginkorragoa lortu nahi du, belaunaldi berrien erronkei aurrea hartzeko asmoz.
Beloradoko moja ohiak komentutik ateratzen hasi dira, etxea uzteko epea agortzear dela
Zazpi moja ohietatik bi monasterioa husten ibili dira goizean, eta gainerako bostak lehenago irten dira komentutik. Senitartekoen etxeetara ari dira eramaten haien gauzak, baina badirudi Urduñako (Bizkaia) komentura lekualdatuko dituztela, tarte baterako, behintzat.
Etzakit, Leire Martinez, SA, Neomak eta Celtas Cortos, Foru plazan Andre Maria Zuriaren jaietan
Abuztuaren 4tik 8ra joko dute talde eta bakarlari horiek, Gasteizko festetan.
Lekukoen txanda, hilkutxen iruzurrari buruz Valladoliden egiten ari diren epaiketan
23 pertsona daude auzipetuta hilkutxak erraustu aurretik kendu eta berriro salgai jartzeagatik.
Abian da matrikulazio epea Nafarroan, Lehen eta Bigarren Hezkuntzan ratioak murriztuta
Berritasunetako bat da datorren ikasturtean D eredua ezarriko dela Erriberako bi ikastetxetan.
Albiste izango dira: Ekain Perrinori egindako eraso homofoboaren epaiketa, lanuzteak Tubos Reunidosen eta Mojtaba Khamenei, Irango buruzagi goren berria
Orain-ek gaur landuko dituen albiste nagusien laburpena.
?fmt=webp-alpha&qlt=80)
Feminismoaren defentsak ez du adinik
Adin guztietako herritarrek bat egin dute martxoaren 8ko egunaren harira antolatutako mobilizazioetan, berdintasunaren alde. Gazteak kezkatuta agertu dira, sare sozialetan hedatzen den feminismoaren kontrako diskurtsoarekin. Emakumeak bat eginda egon daitezela aldarrikatu dute.