Baimenduta dago udalerri mugakideetara joatea, lurralde historikotik irten arren
Covid-19ari aurre egiteko Eusko Jaurlaritzak astelehen honetan onartutako neurri berrien arabera, baimenduta dago lurralde historikotik irtetea, baldin eta mugakide den udalerri batera joateko bada. Aitzitik, bi udalerri horietako bat eremu gorrian badago, alegia, azken 14 egunetan 100.000 biztanleko 500 positibotik gora izan baditu, debekatuta egongo da herri horretatik irtetea edo bertara sartzea.
Gainera, autonomia erkidego ezberdinetan dauden udalerri mugakideen kasuan, ez da irizpide bera aplikatuko, Euskaditik ateratzea debekatuta baitago gaur-gaurkoz, salbuespenak salbuespen.
Bestalde, EAE barruan, posible da lurralde historiko batetik bestera mugitzea aireportu edo geltokiren batera norbait eramateko baldin bada, azken neurriak jasotzen dituen txostenean emandako azalpenen arabera.
Halaber, pertsona nagusiak edo adingabeak zaintzeko bada, baimenduta dago lurralde historiko batetik bestera joatea. Horretarako, baina, beharrezkoa da zaintza horren gaineko ardura duen pertsonak sinatutako ziurtagiria aldean eramatea. Zaintzailea eta zainketa behar duen pertsona senitartekoak direla frogatu beharko du horrek.
Maskotak
Etxeko animaliak paseoan ateratzeko orduan, etxeratze agindua errespetatu beharko da, hau da, ezingo da 22:00ak eta 06:00ak bitartean kalean ibili.
Etxera eramateko otorduak
Aurretik eskatutako otorduak 21:00ak arte jaso ahalko dira jatetxean bertan, nahiz eta ordu horretan establezimendu guztiek itxita egon beharko duten. Jatekoa etxera eramaten duten jatetxeen kasuan, 22:00ak arte egin ahalko dute banaketa. 100.000 biztanleko 500 kasu edo gehiago dituzten udalerrietan ere ordutegi bera errespetatu beharko dute.
Hotelak, landetxeak eta kanpinak
Hotel, landetxe eta kanpinetako zonalde komunen edukierak ezingo du % 50 gainditu, ezta 30 pertsonako muga ere. Horien artean, gainera, 1,5 metroko distantzia gorde beharko dute.
Bestalde, gisa horretako establezimendu guztiek bertan ostatu hartu duten pertsonei soilik eskaini ahalko diete ostalaritza zerbitzua 20:00etatik aurrera.
Zure interesekoa izan daiteke
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.
Giroa lehortuko du igandean iritsiko den hego-haizeak
Tenperatura minimoek behera egingo dute, baina maximoek, gora. Kostan, abisu horiak egongo dira, olatuen indarragatik.
Gripearen aurkako txertoa jartzeko deia egin die Osasun Sailak 60 urtetik beherakoei, bereziki haurrei
Aste honetan 889 gripe-kasu izan dira, eta horietatik % 6,2 baino ez dira ospitaleratu; aurreko astean, berriz, % 10 izan ziren. Jaitsiera horrek erakusten du txertaketak kasu larriak murriztu ditzakeela.