Kutsatzeek goranzko bidean jarraitzen dute Nafarroan eta jada 200etik gora dira
COVID-19ak kutsatutakoek gora egiten jarraitzen dute Nafarroan, eta atzo 208 positibo berri atzeman zituzten, Foru Gobernuaren behin behineko datuen arabera. Azken bi hilabeteetako daturik txarrena da. Positibotasun tasak ere gora egin du, % 7,7an kokatuz.
Hain zuzen ere, duela bi hilabete 208, kasu izan ziren Foru Erkidegoan, gaurko kopuru bera. Bi hilabetean lehen aldiz 200 kasu baino gehiago izan dira. Azken hiru egunetan kasuek gora egin dute Nafarroan.
Guztira 2.691 proba egin zituzten (PCR eta antigenoak), eta positibotasun tasa % 7,7koa da, Foru Gobernuak jakitera eman duenez.
Cortesek eta Buñuelek adinekoen egoitzetan agerraldiak izan dituzte (15 positibo izan dira bakoitzean) eta positiboen kopuruari dagokionez zerrendan lehen postuan daude. Atzetik dute Irunberri, bertako agerraldian 15 positibo izan baitira. Ostegun honetan baheketa masiboa egingo dute. Barañainen 10 kutsatu berri atzeman dituzte eta Iruñeko Ermitagaña auzoan, 9.
Goranzko joera hori bat dator Foru Komunitatean neurri murriztaileagoak abian jartzearekin; izan ere, Nafarroak ordubete aurreratu du ostalaritzaren itxiera eta ezingo da terrazetan erre.
Cortesko erresidentziako agerraldiak 19 adineko kutsatu ditu
Cortesko Carmen Bellido erresidentzian bart atzemandako agerraldian 19 adineko kutsatu dira; horietatik 17 egoiliarrak dira.
Bestalde, asteartean Buñuelgo San Gregorio zahar-egoitzan ere agerraldi bat atzeman zuten, baina, dirudienez, ez da positibo berririk izan azken orduetan. Hortaz, 15 pertsona dira bertan kutsatu direnak.
Erroko agerraldiari dagokionez (astelehenean atzeman zuten), 18 egoiliar daude birusak jota, eta horietatik Iruñeko 7 Amma Argaray erresidentzian egokitu duten zentora eraman behar izan dituzte. Lau langilek ere positibo eman dute.
100.000 biztanleko 523 kasu berri, Espainian
Osasun Ministerioak 35.878 kasu berri zenbatu ditu ostegun honetan. Guztira, 2.211.967 pertsona kutsatu ditu covid-19ak Espainian, eta 53.079 hil dira birus horren ondorioz (201 azken orduetan). Azken 14 egunetan, 522,7an kokatu da metatutako intzidentzia.
Autonomia erkidegoek emandako datuetan oinarrituta, 18.924 pertsona daude ospitaleratuta (asteazkenean baino 709 gehiago). Ospitaleen okupazioa % 15,14koa da, eta ZIUetakoa % 28,46koa.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.