Modernaren lehendabiziko txertoak iritsi dira EAE eta Nafarroara
Euskal Autonomia Erkidegoak asteazken honetan jaso ditu Moderna konpainiak covid-19ari aurre egiteko garatu duen txertoaren lehen 1.400 dosiak. Gurutzetako Ospitalean gorde dituzte. Guztira, 24.900 dosi iritsiko dira datozen asteetan EAEra.
Gotzone Sagardui Osasun sailburuak Legebiltzarrean egindako agerraldian eman du txertoaren ezaugarrien berri. 65 urtetik beherako pertsonentzat eraginkorragoa denez, Osakidetzako langileei jartzeko erabiliko dute Ameriketako Estatu Batuetan egindako txertoa.
Pfizer konpainiaren txertoarekin alderatuta, Modernarena gordetzeko ez dira tenperatura hain baxuak behar, baina garraiatzeko orduan kontu handiagoarekin ibili behar da. Hortaz, txertoak Osakidetzaren zentroetan gordetzea erabaki dute, garraioa saihesteko eta kontserbazio arazorik ez egoteko.
Txertaketa-kanpaina
Pfizerren txertoarekin gertatzen den moduan, bi dosi eman behar dira immunitatea lortzeko, baina lehendabiziko dosia eman eta 28 egunera jarri behar dute bigarrena.
Hori dela eta, Eusko Jaurlaritzak estrategia bera erabiliko du eta txertoaren hainbat dosi gorde egingo dituzte bigarren dosia bermatuta izateko balizko edozein arazoren aurrean.
Europar Batasunak Moderna enpresa farmazeutikoarekin egindako akordioaren arabera eta Espainiako Gobernuak jasoko duen txertoen kopurua aintzat hartuta, Euskal Autonomia Erkidegoari 24.900 dosi dagozkio. Sagarduik azaldu duenez, txertoak bi astean behin bidaliko dituzte.
Horrez gain, txertaketa prozesua "ahalik eta azkarren" abiatuko dutela esan du, datarik zehaztu gabe, eta lehentasun irizpideak Osakidetzak berak ezarriko dituela erantsi du.
Modernaren txertoaren 500 dosi jaso ditu Nafarroak
Nafarroako osasun-sistema publikoak Modernak covid-19ari aurre egiteko garatutako txertoaren 500 dosi jaso ditu gaur. Osasun langileentzat izango dira asteazken honetan heldutako dosi guztiak.
Santos Indurain Osasun kontseilariak esan duenez, behin txertoak jasota komeni da alde batetik bestera gehiegi ez mugitzea.
Oraingo honetan, Iruñeko edota hiriburutik gertu dauden osasun zentroetako langileei jarriko dizkiete txerto horiek, babes neurri gisa.
Zure interesekoa izan daiteke
30 lagunetik gora harrapatuta geratu dira Zumaiako flyschean
Algorri hondartzan egiten ari dira erreskatea. Bertan, ezustean harrapatu ditu mareak txangozaleak.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.