Arroiabeko egoitza pribatuari isuna jartzea eskatu dute adinekoak lotzea egotzita
Arroiabeko (Araba) San Frantzisko Xabier egoitza pribatuari 660.000 euroko isuna jartzea eskatu dute: 600.000 euro adinekoak arrazoirik gabe lotzeagatik (arau-hauste oso larria) eta 60.000 euro covid-19aren aurkako protokoloak ez betetzeagatik (falta larria).
diario.es-ek jakitera eman duenez, Arabako Foru Aldundiaren ikuskaritza zerbitzuak bi zehapen-espediente zabaldu dizkiete zentroko arduradunei, iragan azaroan egindako bisitetan atzemandako irregulartasunengatik. Bestalde, egoitzako jabeek zentroa ixteko asmoa agertu dute.
Egoitzan koronabirus agerraldi bat izan ondoren egin zituzten bisitak ikuskatzaileek. 12 adinekoetatik 9 kutsatu ziren; baina guztiak bakartu behar zituzten harreman estuak zirelako.
32 irregulartasun
Osasun protokoloan 32 irregulartasun aurkitu zituzten Aldundiko arduradunek aurreneko bisitan, larriena “sukarra zuen adineko bat lotuta izatea”. Nahiz eta covid-19 agerraldia izan, zentroak “goizean bi langile, beste bi arratsaldean eta gauean bakarra ratioa mantendu” izana kritikatu dute ikuskatzaileek.
Ezusteko bigarren bisitan, lanean bi zaintzaile bakarrik aurkitu zituzten, adinekoak “egoki zaintzeko nahikoa ez”. Adineko batzuk “logelatik kanpo, zonalde komunean” topatu zituzten, nahiz eta bakarturik egon behar. Gainera, emakume bat “sabeletik lotuta” zuten, bere logelatik ez ateratzeko.
diario.es-en arabera, adinekoak lotzeko “jarraibide medikorik ez” dagoela esan zioten ikuskatzaileek zuzendaritzari, “justifikaziorik gabeko” erabakia, beraz, “behargin faltaren” ondorio. “Laguntza edo ikuskapen zuzena”, planteatu zuten Aldundiko ikuskatzaileek, baina hirugarren bisitan jokamolde berdina zela egiaztatu zuten.
Aldundiak bi zigor proposamen egin ditu, bat “larria” covid-19ari aurre egiteko neurri nahikorik ez izateagatik (12.000 eurotik 60.000ra), eta beste bat “oso larria” justifikaziorik gabe adinekoak lotzeagatik (60.001 eurotik 600.000ra).
Zure interesekoa izan daiteke
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.