Pfizer txertoaren ohiko bidalketaren % 56 jaso du astelehen honetan Euskadik
Dagoeneko iritsi da Forondako aireportura Pfizer txertoaren asteroko bidalketa, Eusko Jaurlaritzaren eta Espainiako Gobernuaren artean piztutako eztabaidaren erdian. Izan ere, banaketa egiten duen enpresak aldi baterako ekoizpena murriztu ostean, zenbait erkidegotara dosi gutxiago bidaltzea erabaki du Sanchezen Gobernuak.
Osasun Saileko iturriek aurreratu dutenez, Osasun Ministerioak jakinarazi zien ohiko bidalketaren % 56 jasoko zutela; hots, 15.600 dosi bidali beharrean, 8.736 igorriko zituztela, eta esandakoa bete dute.
"Bigarren dosia bermatze aldera", txerto gutxien jarri dituzten erkidegoei dosi gutxiago bidaltzea erabaki zuen Salvador Illak zuzendutako ministerioak.
Horren aurrean, Iñigo Urkullu lehendakaria haserre agertu da "Euskadiren txertatze estrategiak bigarren dosia aintzat hartzen zuelako". Haren esanetan, Euskadik txertoen % 46,2 soilik jarri ditu, lehen dosia hartu dutenei bigarren dosia jarri ahal izateko. Estatu espainiarrean, berriz, batez beste, jasotako dosien % 67,5 jarri dituzte.
Eztabaida horretan sartuta, Espainiako Gobernuak Euskadin duen ordezkari Denis Itxaso sozialistak Jaurlaritzari esan dio txertoak ez direla gordeta edukitzeko, behar dutenei jartzeko baizik.
Gotzone Sagarduik adierazpen horiekin "ados" dagoela erantzun dio astelehen honetan Denis Itxasori, baina argi utzi nahi izan dio Euskadik ez dituela txertoak gorde.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.