Illa: "Gobernuaren helburua herritarren % 70 udarako txertatuta egotea da"
Salvador Illa Espainiako Gobernuaren Osasun ministroak prentsaurrekoa eman du larunbat goiz honetan, atzo covid-19aren inguruan bi gertakizun esanguratsu izan ondoren. Batetik, pandemia osoko kutsatze errekorra ezarri zen, 40.197 kasurekin egun bakarrean; bestetik, Pfizerrek datorren astean espero baino txerto gutxiago bidaliko dituela iragari zuen, bere faktorian egingo dituen obra batzuk direla medio. Lan horien ondoren, hori bai, datorren hilabeteetako produkzioa igo egingo du.
Espainia "oso egoera kezkagarrian" dagoela esanez hasi du Illak agerraldia, baina neurri egokiekin "hirugarren olatua garaitzea" lortuko dugula gaineratu du. Horretarako, baina, ez dute etxeko konfinamendurik aurreikusten.
Herritarren mugimendua mugatzen duten bestelako neurriak hartzeari buruz -etxeratze agindua 22:00etatik aurreratzea, adibidez-, Illak esan du ez dutela "ordu tarteak aldatzea baztertzen, jende guztiarekin hitz egin ostean", baina gogorarazi du herritarren mugikortasuna mugatzen duten neurri guztiak berme juridikoekin hartu behar direla, horrelako eskubide bat mugatzeko "legearen babes osoa" izan behar delako.
Pfizerren iragarpenari dagokionez, datuak eman ditu: Espainiak urtarrilaren 18an jaso behar zituen 360.000 dosien % 56 iritsiko dira, 205.725 dosi, zehazki; hurrengo astean, urtarrilaren 25ekoan, dagozkion 360.000ak gehi aurreko astean falta izan direnak helduko dira.
Atzo, azken orduan, eman omen zitzaien banaketaren berri autonomia erkidegoei, eta horretarako bi irizpide erabili dituztela azaldu du: "ekitatiboa" izatea, orain arte bezala, baina baita "garantista" ere, hau da, "lehen dosia jaso duten pertsonek bigarren dosia jasotzea bermatzea, 18tik aurrera".
Duela aste batzuk esandakoa berretsiz, "Espainiako Gobernuaren helburua herritarren % 70 udarako txertatuta egotea" dela esan du berriz ere Illa ministroak. Eta hori lortzeko behar den abiadura erdietsi dela jada defendatu du: "Dosien % 60 jarri dira eta egun bakarrean 90.000 pertsona txertatzera iritsi gara".
Hala, txertaketaren erritmoa "bikaina" dela defendatu du: "Espainia munduko 9. herrialdea da jarritako txerto kopuruari dagokionez, eta Europar Batasuneko lehenengoetakoa", bere datuen arabera.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.