Nafarroak terrazetara mugatuko du berriro ostalaritza
Nafarroak ostalaritza establezimenduen barruan kontsumitzea galaraziko du berriro, urtarrilaren 23tik aurrera, eta eremu pribatuan bizikidetza unitate bakarra elkartu ahal izango da, salbuespen batzuekin.
Printzipioz etxeratze aginduak bere horretan jarraituko du, 23:00etatik 06:00etara, eta terrazetan eta ostalaritzaren ordutegian ez da aldaketarik izango, Javier Remirez presidenteordeak prentsaurreko batean azaldu duenez. Remirezekin batera zeuden Santos Indurain Osasun eta Elma Saiz Ekonomia eta Ogasun kontseilariak ere.
Neurriak zehatzago azalduko dituzte bihar Dekretu eta Foru Agindu banatan. Nafarroan azken egunotan pandemiak hartu duen joeragatik egin omen dituzte aldaketak, "ez baita ona izaten ari, ez kutsatzeetan, ez positibotasun portzentajean, eta ospitaleetako egoera oraindik egonkorra den arren, ospitaleratzeak nabarmen ugaritzen ari dira".
Horregatik guztiagatik eta birusari aurrea hartu eta egoera larriagoak eragozteko asmoz, neurriak berrikustea erabaki dute, azpimarratu du Remirezek.
Barrualdea ireki ahal izango duten ostalaritza establezimenduen salbuespenen artean, hoteletako jantokiak eta beste ostatu-mota batzuk daude; horiek ostatu hartu duten pertsonei soilik zerbitzatu ahal izango dizkiete otorduak. Salbuespenen artean daude, halaber, osasun-zentroetako zerbitzuak, zerbitzu sozio-sanitarioak, eskola eta unibertsitateko jantokiak, enpresa-jantokiak eta jantoki sozialeko zerbitzuak.
Era berean, baimena eman ahal izango da bidaiarientzako zein merkantzientzako garraio-lanak egiten dituzten bezeroak dituzten establezimenduen barrualdeak irekitzeko, baina establezimenduak zerbitzuguneetan edo errepideetan egon beharko dira (hirigunetik kanpo eta Nafarroako errepide nagusietan).
Beste 10 milioi ostalariei
Agerraldi horretan bertan iragarri dute ostalaritzaren sektoreari laguntzeko beste 10 milioi euroko diru-partida bat.
Elma Saizek aurreratu duenez, laster iragarriko dituzte baldintzak eta ezaugarriak. Deialdia otsailean argitaratuko da aldizkari ofizialean.
"Beste kolpe" bat Nafarroako ostalarientzat
Nafarroako Gobernuak tabernen barruan kontsumitzea galarazi ostean, lehen balorazioa egin du Ana Beriain Nafarroako Ostalaritza Elkarteko presidenteak. Haren esanetan, "beste kolpe" bat da sektorearentzat.
Beriainek begi onez ikusi du debekuarekin batera Gobernuak sektorearentzako 10 milioi euroko laguntzak onartu izana. Hala ere, ostalaritza berriro ere jomugan jarri izana kritikatu du. Haren hitzetan, kutsatze gehienak eremu pribatuan eta senideen artean gertatzen dira.
"Ostalaritzan kutsatzeak egon ahal izan dira, baina ez beste sektore batzuetan baino gehiago", esan du Efe albiste agentziari eskainitako adierazpenetan. "Ez dugu ezer entzun Volkswagenen, garraiobideetan edo beste sektore batzuetan gertatzen diren kutsatzeez. Gainera, ez dituzte guk ditugun segurtasun protokoloak", azpimarratu du.
Ana Beriainen iritziz, "bidegabea" da beti ostalaritza jomugan jartzea, are gehiago, orain -eta Gabonetan ere-, edukieraren % 30a soilik baimentzen denean.
Nafarroako Gobernuak iragarri dituen 10 milioi euroko diru laguntzen inguruan galdetuta, aurreko deialdiko akatsak konpontzeko beharra azpimarratu du."20 milioi euroko diru partida zegoen, baina 13,5 baino ez ziren banatu, hainbat negozio kanpoan gelditu zirelako edo gutxieneko laguntza jaso zutelako", gehitu du.
"Deialdia prestatzeko denbora faltagatik egin ziren akatsak dela uste dugu. Espero dugu berriro ez pasatzea eta, funtsezkoa dena, otsailean zuzeneko laguntza kobratu ahal izatea", esan du.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.