Foruzaingoak "phishing" eraso berriez ohartarazi du
Nafarroako Foruzaingoak ohartarazi duenez, partikularrei eta enpresei iruzur egiten ari zaie phishing bidez. Delitugileek mezu elektronikoa bidaltzen dute segurtasun-egiaztagiriak eguneratzea eskatuz, eta egin ezean finantza-erakundearen zerbitzu batzuetarako edo guztietarako sarbidea blokeatuko zaiela esanez.
Horrela, biktimen pasahitzak lortzen dituzte eta diru-transferentzia handiak egiten dituzte atzerriko banku-kontuetara; horrek zaildu egiten du iruzurgileak identifikatzea.
Horrelako iruzurrak saihesteko, Foruzaingoak gomendio batzuk eman ditu:
· Postaren ortografia eta idazketa egiaztatu, akatsak baitituzte itzultzaile automatizatuak erabiltzen dituztelako.
· Helbide elektronikoa posta bidaltzen duela dioen enpresarekin bat datorrela egiaztatu, iruzurgileek domeinu publikoak edo jatorrizko postaren oso antzeko helbideak erabiltzen baitituzte.
· URLa egiaztatu. Klik egin aurretik, postaren estekak berrikusi, kurtsorea URLaren hipertestuaren gainean jarrita.
· Erantsitako fitxategirik ez deskargatu, benetako mezua dela egiaztatu ezin bada.
· Ez ibili presaka eskatu dutena egiteko orduan, ez fidatu "presazkoa" den edo "mehatxu estalia" den guztiaz, egiaztatu URLa izan badela nabigatzailean tekleatuz, eta mezuak zalantza sortzeko arrazoizko zantzurik badu, jarri harremanetan ustez posta bidali duen erakundearekin.
Zure interesekoa izan daiteke
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela-zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.