Bizkaiko adinekoen egoitzetako erabiltzaileak otsailerako egongo dira immunizatuta
Bizkaiko Foru Aldundiaren aurreikuspenen arabera, otsail amaierarako adinekoen egoitzetako erabiltzaile gehienak covid-19aren kontra immunizatuta egongo dira. % 96k jaso dute lehen dosia, eta bigarren jaso ostean pasatu beharreko denbora igarota, birusaren aurrean babestuta egongo liratekeela uste baitu Aldundiak.
Hala adierazi du behintzat Sergio Murillo Bizkaiko Gizarte Ekintzako foru diputatuak Batzar Nagusietan egindako agerraldi batean. Amaya Fernandez PPko batzarkideak egindako galdera bati erantzunez txertaketa kanpainaren datuak eman ditu Murillok. PPko buruzagiak txertaketa "astiro" doala deitoratu du: "Euskadi azken furgoian doa, erratz-autoen gisa, azkena" beste erkidegoekin alderatuta. Fernandezen hitzetan, horrek heriotzak ekarriko ditu, batez ere adineko pertsonenak.
Murilloren ustez, ordea, txertaketa "espero genuen abiaduran doa aurrera". Zehaztu du agerraldiren bat izan duten zentroetako egoiliarrak kenduta, gainerakoek Pfizerren txertoaren lehen dosia jaso dutela jada. Salbuespenen artean aipatu ditu Muskizko, Zamudioko eta Artxandako Caser zentroak. Denetan atzeratu egin dute txertaketa.
Hori horrela, erabiltzaileen % 96k jaso dute lehen dosi hori. 230 erabiltzailek uko egin diote txertatzeari, eta beste 96 ezin dira txertatu alergiak edo beste gaixotasun bat dutelako.
Urtarrilaren 17an hasi ziren bigarren dosia ematen, eta ostiralerako Bizkaian dauden 154 egoitzetatik 86tan jasoa izango dute. Hori horrela, litekeena da otsaila amaierarako immunizazioak eragina egitea.
Menpekotasun handia duten pertsonentzako zentroetan erabiltzaileen % 86 txertatu dute lehen dosiarekin. 25 erabiltzailek uko egin diote eta lauri ezingo diete txertoa eman, osasun arrazoiak tarteko.
Adinekoen egoitzetako langileei dagokienez, "gehienek" jaso dute txertoa, eta % 20,6k uko egin diote.
Murilloren esanetan, "otsaila amaierarako artalde immunizazioa lortuko dugu Bizkaiko adinekoen zentroetako erabiltzaileen artean".
Diputatuak zehaztu duenez, zentroetako txertaketa bukatuta, menpekotasuna duten eta etxean bizi diren adinekoak eta euren zaintzaileak txertatuko dituzte.
Zure interesekoa izan daiteke
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.