Bere txertoak dosi bakarrean % 72ko eraginkortasuna duela esan du Janssen konpainiak
Janssen Pharmaceutical Companiesen txertoak covid-19aren aurkako % 72ko eraginkortasuna du dosi bakarrean, eta covid-19 moderatu edo larri bat prebenitzeko % 66koa, txertoa jarri eta 28 egunera, konpainiak jakitera eman duenez.
Hirugarren faseko entseguaren arabera, txertoa jarri eta 28 egunera, covid-19 moderatu edo larri baten aurrean % 66ko babesa lortu zuten Latinoamerikan, eta % 57koa Hegoafrikan. 43.783 lagunek hartu dute parte azterketan, eta 468k ez dute sintomarik izan.
Gainera, gaixotasun larria prebenitzeko orduan, txertoak % 85eko eraginkortasuna izan zuen eskualde guztietan, 18 urtez gorako adineko guztietan, dosia jarri eta 28 egun geroago, baita 60 urtez gorakoen artean ere. Are gehiago, eritasun larri baten aurkako eraginkortasunak gora egin zuen denborarekin, eta 49 egun pasa ondoren txertatuen artean ez zuten kasuen berri eman.
Banaketari dagokionez, txertoa, “irabazi-asmorik gabe pandemia larrialdiei aurre egiteko”, eskaintzeko konpromisoa azaldu du konpainiak, “baimenak jasotzeko zain”. “Banaketa bide estandarrekin bateragarria da”, ziurtatu du Janssenek, ondorioz, “baimena jasotzen baldin badu, bi urtez egonkor mantenduko da, -20 gradutan”.
“Dosi bakarrean covid-19 txertorako hautagaiak izandako emaitzak esperantzagarriak dira. Gaixotasunaren karga modu esanguratsuan murrizteko gaitasuna du, immunizazio bakarra ongi jasan eta txerto eraginkorra da, munduaren osasun publikoarentzako osagai kritikoa izan daiteke”, azpimarratu du Paul Stoffels Johnson & Johnson konpainiaren zuzendaritza batzordeko presidenteordeak.
Konpainiak nabarmendu duenez, orokorrean babes sendoa lortu dute arraza, adin tarte, 60 urtez gorakoak barne, birusaren aldaera eta eskualde guztietan, baita Hegoafrikan ere. Horrela, Hegoafrikan B.1.351 aldaeraren SARS-CoV-2 kasuak izan ziren gehienak (% 95).
Hala ere, botikaren eraginkortasuna eta segurtasuna aztertzeko bi urteko jarraipena egingo diete ENSEMBLEren entseguan parte hartu duten guztiei. Albo-ondorioen inguruan egindako azterketaren arabera, txertoaren dosi bakarra orokorrean ongi hartu dute denek.
Larrialdi Erabilera Baimena (EUA) eskatzeko asmoa dute otsaila hasieran, Ameriketako Estatu Batuetan. Baimena jaso eta berehala produktua banatzeko prest izatea espero dute.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.