Urtebete igaro da MOEk covid-19agatik nazioarteko larrialdia deklaratu zuenetik
Urte bat igaro da Munduko Osasun Erakudeak nazioarteko larrialdi egoera deklaratu zuenetik SARS-CoV-2 koronabirusaren hedakuntza azkarragatik. 2020ko urtarrilaren 30ean, MOEk mundu osoa ohartarazi zuen.
Momentu horretan 8.000 kasu erregistratuta zeuden hogei bat herrialdetan. Kasu positiboak zeuden Alemanian, Estatu Batuetan, Japonian eta Vietnamen, baina oraindik diagnostikatutako kasuen % 99 Txinakoak ziren.
Nazioarteko larrialdia deklaratu eta urtebetera, koronabirusa txoko guztietara heldu da. Gaur egun 102 milioi kutsatzetik gora izan dira, eta 2,2 milioi pertsona hil dira mundu osoan, zenbaki ofizialen arabera. Azken orduetan 610.000 kasu gehiago zenbatu dira.
MOEk mota honetako nazioarteko larrialdi bat deklaratzen zuen seigarren aldia izan zen. Aurretik, H1Ni gripea (2009), Mendebaldeko Afrikako eta Kongoko Errepublika Demokratikoko ebola (2014) eta zika birusa izan ziren eragileak. Bat ere ezin da alderatu covid-19aren pandemiak izandako eraginarekin.
Momentu hartan, MOEren helburua osasun sistema nahikorik ez duten herrialde azpigaratuentzako laguntza handiagoa lortzea zen. Urtebete beranduago, AEB dira kopuru ofizialetan pandemiak gehien kolpatu duen herrialdea, 25,9 milioi kasu eta 439.799 hildakorekin. Ondoren datoz India, 10,7 milioi kasu eta 154.147 hildakorekin, eta Brasil, 9,1 milioi kasurekin eta 222.666 hildakorekin, Johns Hopkins Unibertsitatearen balantzearekin.
Hurrengo herrialdeak dira Erresuma Batua, 3,78 milioi kasurekin eta 104.572 hildakorekin; Errusia, 3,77 milioi kutsaturekin eta 71.054 hildakorekin, eta Frantzia, 3,1 milioi kasurekin eta 75.765 hildakorekin. Ondoren datoz Espainia (2,74 milioi kasu), Italia (2,52 milioi), Turkia (2,46 milioi), Alemania (2,2 milioi) eta Kolonbia (2,07 milioi).
"Ez du esan nahi ez garela Txinaz fidatzen: alderantziz, larrialdi honi aurre egiteko herrialde horrek duen gaitasun osoan sinesten dugu", adierazi zuen zuzendariak 2020ko urtarrilaren 30ean. Aste horretan Xi Jinping Txinako presidentearekin bildu zen Beijingen.
Guztira, 99.848 kasu eta 4.814 biktima izan dira Txinan. Aste honetan, hain justu, MOEko adituak Wuhanen daude berriro. Lehen kasuak artatu zituzten ospitaleak bisitatzen ari dira, koronabirusaren jatorria ikertzeko helburuarekin.
Momentu hartatik aurrera, tratamenduen eta txertoen ikerkuntza inoiz ikusi ez den bezala azkartu zen. Gaur, historiako txertaketa kanpaina handienaren aurrean gaude. Zenbait txerto denbora errekorrean garatu dira, eta beste asko bidean daude, banaketa oso desorekatuta badago ere. Europar Batasunean hiru txerto onartu ditu momentuz Europako Sendagaien Agentziak: Pfizer-BioNtech, Moderna eta AstraZeneca.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.