Positibo tasa % 5,6ra murriztu da Nafarroan
Eguneko koronabirus kasu berrien kopurua eta positibotasun tasa apur bat murriztu da Nafarroan, Foru Gobernuak emandako behin behineko datuen arabera.
Ostiralean 196 covid-19 positibo erregistratu dira foru erkidegoan, aurreko egunean baino 54 gutxiago (253 zenbatu ziren atzo).
Guztira, azken orduetan 3.498 proba diagnostiko (2415 PCR proba eta 1083 test antigeno) egin dira. Beraz, positibo tasa ere murriztu da, % 5,6an kokatuz.
Azken egunean ez da hildakorik egon gaixotasun honekin. Beraz, foru erkidegoan izandako heriotzek 1032 izaten jarraitzen dute.
Ospitaleetako egoerari dagokionez, bost pertsona berri ospitaleratu dira covid-19arekin, eta horietako bi zaintza intentsiboetako unitateetan izan dira.
Osasunbidearen arabera, 190 pertsona daude covid-19arekin ospitaleetan, hau da, aurreko egunean baino bi gutxiago. Horietatik, 31 ZIUetan daude (bi gutxiago), 22 berez etxean daude (bat gutxiago) eta gainontzekoak, 137 pertsona, ospitaleko gela arruntetan.
Iruñean eta eskualdean kasu positiboen % 66 izan dira; Tudelan, % 13, eta Lizarran, % 7. Gainontzeko positiboak (% 14) lurraldean zehar banatzen dira.
Adinari dagokionez, erregistratutako kasu berri gehienak 15-29 urtekoak dira (% 26). Hurrengoak dira 45-59 urtekoak (% 24) eta 30-44 urtekoak (% 18). Ondoren, 15 beherakoen taldea dator, % 12rekin. Azkenik datoz 60-75 urtekoak (% 11) eta 75 urtetik gorakoak (% 9). Positibo berrian bataz besteko adina 40,8 urtekoa da.
Generoari dagokionez, kasuen % 54 gizonak dira, eta % 46, emakumeak.
1595 dosi berri
Ostiralean txertoaren 1595 dosi jarri ziren. Guztira, beraz, 24.489 jarri dituzte, foru erkidegoak jaso dituen 26.975etatik.
759k jaso zuten atzo bigarren dosia, beraz, 4.313ek burutu dute bi dosien txertaketa prozesua.
151 pertsona EAEko ZIUetan
Euskal Autonomia Erkidegoan 1.090 koronabirus kasu positibo erregistratu dira, eta positibo tasa % 7,3koa da. 151 pertsona daude covid-19arekin zaintza intentsiboetako unitateetan.
Zure interesekoa izan daiteke
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.