AstraZenecaren txertoa 80 urtetik gorakoei ez ematea erabaki du Espainiako Gobernuak
Espainiako Osasun Ministerioaren Osasun Publikorako Batzordeak baztertu egin du AstraZenecaren txertoa (aste honetan bertan iritsiko da Espainiako Estatura) 80 urtetik gorakoei ematea, baina oraindik ez du erabaki 65 urtetik gorakoen kasuan zer egin.
Horixe jakinarazi du Carolina Darias Osasun ministroak prentsaurrekoan, Lurralde Arteko Osasun Kontseiluaren ostean. RNA mezularia duten txertoak 80 urtetik gorakoentzat gorde behar dituztela gehitu du.
Horrela, kolektibo horrek ez du jasoko Europako Sendagaien Agentziak berriki onartu duen txertoa, baizik eta orain arte Estatuan banatzen ari direnak: Pfizer/BioNTech eta Moderna konpainiena.
Osasun Publikorako Batzordeak AstraZenecaren bi dosiak 10 eta 12 asteko tartearekin ematea adostu du, eta bihar erabakiko du 65 urtetik gorakoen kasuan zer egin; izan ere, hainbat herrialdek ez ematea aholkatu dute adin tarte horretan ez delako entsegu klinikorik egin.
Lehenengoa Alemania izan zen, eta beste batzuk gehitu zaizkie, tartean Frantziako Estatua. Gaur, Belgikak iragarri du ez diela sendagai hori emango 55 urtetik gorakoei.
Aurreko ostiralean eman zion sendagarien agentziak oniritzia AstraZenecaren txertoari, 18 urtetik 55erako tartean, baina ez zuen eragozpenik jarri zaharragoen kasuan, ez baitago eraginkortasunari buruzko daturik.
6,7 milioi dosi
Espainiako Estatuak larunbata eta astelehena artean jasoko du AstraZenecaren lehenengo hornidura, baina ministroak ez du zehaztu zenbat dosi. Hori bai, otsailean 1.819.575 txerto jasoko omen ditu Espainiako Gobernuak.
Guztira, covid-19aren aurkako 6,7 milioi dosi jasoko ditu gutxienez martxora arte, Pfizer, Moderna eta AstraZenecarenak batuta.
Dariasen arabera, otsailean Pfizer/BioNTechen 1.779.570 dosi iritsiko dira, eta martxoan 2.705.040 dosiraino igoko da kopurua, enpresa farmazeutikoaren arabera.
Horiekin batera, otsailean bertan Modernaren 412.000 eta AstraZenecaren 1.810.575 iritsiko dira, ministroak jakinarazi duenez.
Guztira 6.707.185 dosi izango dira Espainiako Estatuan banatuko dituztenak, eta bigarren hiruhilekotik aurrera Europako Sendagaien Agentziak onartuko dituenak gehitu beharko zaizkie: Janssen, Novavax eta CureVac konpainienak.
Dariasen esanetan, txertaketaren erritmoa egokia da, iritsi diren dosiak kontuan hartuta, eta berretsi du Europar Batasun osoan udan herritarren % 70 immunizatuta egotea dela helburua.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.