Positiboak apur bat jaitsi dira Nafarroan, 225eraino
Apur bat bada ere, behera. Bide hori egin dute azken orduetan covid-19aren kutsatzeek Nafarroan. 225 positibo atzeman dituzte ostegun honetan, Foru Gobernuak emandako behin-behineko datuen arabera.
Zehazki, 3.248 proba diagnostiko egin dituzte (bezperan baino 576 gutxiago) eta horietatik % 6,9 positibo izan dira (positibotasuna bederatzi hamarren jaitsi a).
Bezperan baino lau gutxiago dira. Nolanahi ere, beherakada handiagoa da duela astebeteko zifrekin alderatuz gero (-28) eta are nabarmenagoa duela bi astekoekin erkatuta. (-80). Horrenbestez, astiro bada ere beherantz doa kutsatuen kurba.
Andosilla izan da ostegun honetan covid-19 kasu gehien zenbatu dituen udalerria: 13. Herriko San Sebastian adinekoen egoitzan 24 kasuko agerraldia izan dute. Beriainen, Burlatan eta Iruñeko Txantrea auzoan 10na positibo atzeman dituzte, eta Ansoainen, bederatzi.
Bestalde, 11 pertsona ospitaleratu behar izan dituzte Foru Erkidegoan, horietako bat ZIUn. Atzo 77 urteko gizon bat hil zen, eta aurreko egunetan 86 eta 92 urteko bi emakume. Dagoeneko covid-19ak 1048 hildako utzi ditu Nafarroan.
Nafarroako Gobernuko Eskubide Sozialetako departamentuak jakitera eman duenez, Amma Mutilva adinekoen egoitzan 8 positibo baieztatu dituzte. Zentroak 178 adineko ditu. Positibo guztiek ez dute sintomarik, txertoaren bigarren dosia duela 10 egun hartu ondoren.
Agerraldia baheketa egin ondoren antzeman dute, egoitzan positibo bat baieztatu ostean.
Zangozako agerraldiari dagokionez, 12 pertsonak positibo eman dute. Honenbestez, agerraldian 16 positibo baieztatu dituzte. Guztiak txertoaren bigarren dosia jasotzeko zain zeuden.
Andosillako egoitzan 24 positibo atzeman zituzten ostegunean. 21 pertsonak ez dute sintomarik, beste bi bitarteko zentro batean daude, eta bat ospitaleratu behar izan dute.
Nafarroako adinekoen egoitzetan 91 kasu aktibo dira. Zortzi pertsona ospitaleratu behar izan dituzte, 19 Andosillako eta Iruñeko bitarteko zentroetan daude, eta gainerakoak egoitzetan pasatzen ari dira gaixotasuna.
Bestalde, haur eta lehen hezkuntzako 281 ikasle konfinatu dituzte azken 24 orduetan. 299, ostera, ikasgeletara itzuli dira koarentena bukatu ondoren.
Horrela, Nafarroako Gobernuak jakinarazi duenez, 1921 ikasle euren etxeetan bakarturik daude (% 3,10).
Ikasgelei dagokionez, 52 ikastetxetan 95 konfinaturik daude (% 2,72).
Zure interesekoa izan daiteke
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Urtero, Harresirik gabeko eguna ospatzen da azaroaren 9an, pertsonengan eragiten duten indarkeria salatzeko eta harresirik gabeko mundua aldarrikatzeko. 1989ko azaroaren 9an eraitsi zuten Berlingo harresia eta hortik dator data. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta antzeko eragileek deituta. Aurten, Palestinako herria izan dute bereziki gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.