Nafarroan 4 hildako eta 96 positibo berri baieztatu dituzte, % 4,1eko positibotasuna
Covid-19ak lau heriotza eragin ditu azken orduetan, Nafarroan. Gainera, 96 positibo berri baieztatu dituzte egindako 2340 probatan (1366 PCR eta 974 test antigeno). Ondorioz, positibotasun tasa % 4,1ekoa da Foru Erkidegoan.
Atzo hiru hildako zenbatu zituzten, 71 eta 88 urteko bi gizon, eta 95 urteko emakume bat. Era berean, aurreko egunetan hildako 93 urteko emakume baten berri eman zuten. Koronabirusak 1078 heriotza eragin ditu dagoeneko Nafarroan.
Foru Gobernuak jakitera eman duenez, 150 paziente daude ospitaleetan, atzo baino 9 gutxiago. Ostegunean bi lagun ospitaleratu behar izan zituzten, biak ZIUn.
Zonaldeka, Iruñean eta Iruñerrian positibo berrien % 74 baieztatu dituzte, Tuteran % 3 eta Lizarran % 2. Nafarroako gainerako eskualdeetan kasuen % 21 zenbatu dituzte.
Adin tarteei dagokionez, positibo berri gehienak 45-59 urte artekoen eta 15 urtez beherako adingabeen artean antzeman dituzte, % 24 eta % 22, hurrenez hurren. Ondoren, 15-29 adin tartean % 21 baieztatu dituzte, eta 33-44 artean % 20.
Azkenik, 75 urtez gorakoen artean % 7 baieztatu dituzte, eta 60-75 adin tartean % 6 baino ez. Positibo berrien batez besteko adina 36,1 urtekoa da.
Osasunbideak jakitera eman duenez, 150 pertsona daude ospitalean covid-19aren ondorioz (atzo baino bederatzi gutxiago), horietatik 25 ZIUn (kopuru bera) eta beste 13 etxean (kopuru bera). Gainerako 112 pazienteak ospitaleetako logela arruntetan daude.
Pandemia hasi zenetik 50 217 positibo baieztatu dituzte Nafarroan.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.