Gizon batek emaztea hil du Sestaon
56 urteko emakume bat hil dute ostiral honetan Sestaon, etxean, eta senarra (57) itsasadarrean itota hilda topatu dute. Horrenbestez, Ertzaintzak uste du krimen matxista izan dela gertatutakoa, hots, gizonak emaztea hil duela, eta ondoren bere buruaz beste egin duela.
Segurtasun Sailak jakinarazi duenez, gizonaren gorpua 09:00ak aldera topatu dute itsasadarrean, Benedikta kaiaren parean. 09:30ean atera dute uretatik hilotza.
Ondoren, 13:00ak inguru, agenteak gizonaren etxera joan dira, familiari gertatukoaren berri emateko, eta emaztea hilda topatu dute, indarkeria zantzuekin.
Bizilagunek EFE agentziari azaldutakoaren arabera, senar-emazteak bakarrik bizi ziren, eta bi seme-alaba eta biloba bat zituzten.
Seme-alabak gurasoen etxebizitzara bertaratu dira eta atarian egon dira, senideek eta Gurutze Gorriko langileek babestuta.
Gertatutakoa hilketa matxista izan dela baieztatuko balitz, aurten Euskal Herrian gertutako bigarren izango litzateke. Joan den urtarrilaren 2an, Aintzane Pujana donostiarra hil zuten Aizarnazabalen.
Mobilizazioak eta gaitzepenak
Sestaoko Udalak krimena gaitzesteko elkarretaratzea deitu du larunbat eguerdirako Kasko plazan, eta deialdiarekin bat egin dute Bizkaiko Foru Aldundiak, Emakundek eta Eudelek.
Mugimendu Feministak, berriz, manifestazioa antolatu du arratsaldeko 18:00etarako toki beretik abiatuta.
Erakundeek "irmotasunez" gaitzetsi dute hilketa eta beraien "babesa, elkartasuna eta maitasuna" helarazi dizkiete biktimaren senideei eta lagunei. Halaber, mobilizazioetan parte hartzeko gonbita luzatu diete herritarrei.
Emakundek esan du indarkeria matxista "emakumeen eta gizonen arteko ezberdintasunaren adierazpenik bortitzena" dela, "gizonen eta emakumeen arteok harreman nagusitasunean eta ezberdintasunean oinarrituta dagoena".
"Emakumeen aurkako indarkeriarik gabeko gizarte librea eraikitzeko herritarrek jarrera aktiboa izatea ezinbestekoa da", erantsi du ohar batean.
Eudelek azpimarratu du arazo honen aurrean gazteak sentsibilizatzea oso garrantzitsua dela, "etorkizuna ordezkatzen dutelako".
Bizkaiko Foru Aldundiak esan du genero indarkeria ez dela erasoak sufritzen dituzten pertsonei soilik eragiten dien "arazo pribatua": "Ezberdintasunaren adierazgarri larriena da eta, ondorioz, gizarte osoaren arazoa da".
Idoia Mendia lehendakariordeak, berriz, ondoko mezua idatzi du Twitter sare sozialean: "Sestaoko emakumearen hilketaren aurrean irmotasunez erantzun behar dugu. Pandemiak ezin du galarazi horrelako gertakari injustu eta mingarri batean aurrean erantzutea. Genero indarkeriaren kontrako borrokan gure konpromisoari eutsi behar diogu".
___________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Albiste gehiago gizartea
Pertsona bat zauritu da Arrasateko etxebizitza eraikin batean izandako sute batean
Sua 23:30ak aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu behar izan dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarko gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.