Zazpi egunez jarraian 100 kasutik behera zenbatu dituzte Nafarroan
Covid-19 kasuek gora egin dute Nafarroan, baina oraindik ere hirurogeiko muga gainditu gabe jarraitzen dute. 1.746 proba (777 PCR eta 969 antigenoen test) egin zituzten atzo, eta 57 positibo atzeman zituzten. Positiboen tasa, beraz, % 3,26an dago, Nafarroako Gobernuak emandako datuen arabera.
Hain zuzen ere, otsailaren 15eko datuak dira horiek. Igandekoekin alderatuta, zertxobait egin dute gora kutsatzeek (48 izan ziren orduan).
Gaur-gaurkoz, 142 pertsona daude ospitaleratuta. Atzo bertan zazpi lagun eraman zituzten ospitalera, covid-19aren birusak jota; horietako bat ZIUn dago.
Atzokoan, baina, ez zen inor hil, nahiz eta iragan astean zendutako 87 urteko gizon baten heriotzaren berri eman zuten. Orain arte 1.085 pertsona hil dira Nafarroan pandemia hasi zenetik.
Zonaldeka, Iruñerrian zenbatu dituzte positiboen % 67, Tuteran % 13 eta Lizarran % 9. Gainerako kasuak (% 11) Nafarroa osoan banatuta daude.
Batez ere, 45 eta 59 urtekoen artean izan dira kutsatzeak (% 27). Dena den, 15 eta 29 urte bitartekoen artean ere kasu asko atzeman dituzte (% 24).
Positibo berrien batezbesteko adina 40,8 urtean dago. Bestalde, kasuen % 56 emakumeen artean detektatu dituzte.
Ospitaleratzeen eta alten balantzeak utzitako datuak hauek dira: 142 lagun daude ospitalean (atzo bezain beste); horietatik 24 (bat gutxiago) ZIUn daude, eta 17k (bost gehiago) etxean jasotzen dute arreta. Logela arruntetan, berriz, 101 gaixo daude (lau gutxiago).
Pilatutako intzidentzia 50.460an dago Nafarroan.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.