Osakidetza aste honetan hasiko da 100 urtetik gorako pertsonak txertatzen
Osakidetza aste honetan hasiko da 100 urtetik gorako pertsonei txertoa jartzen. 100 urtetik gorako 1.800 pertsona inguru daude Euskal Autonomia Erkidegoan (EAE).
Lehenik eta behin, txertaketa guneetara joan daitezkeen adinekoei deituko diete. Ondoren, zailtasunak dituzten edo txertaketa guneetara joan ezin duten pertsonak txertatuko dituzte. Kasu horietan, Osakidetzako langileak etxez etxe joango dira.
Gaurtik aurrera, Osakidetza telefonoz jarriko da harremanetan pertsona horiekin, hitzordua emateko.
Aurreikuspenak betez gero, bi aste barru jarriko du Osasun Sailak adin tarte horretan lehen dosia.
Eusko Jaurlaritzaren asmoa da datozen asteetan 80 urtetik gorakoei koronabirusaren aurkako txertoa jartzea. 80 urtetik gorako 160.000 pertsona baino gehiago daude EAEn.
Erreferentziazko 25 txertaketa-gune
Osakidetza lanean ari da erreferentziazko txertaketa-guneak ezartzeko. Gutxienez, bi aurreikusten dira osasun eremu bakoitzeko. Horrela, 25 inguru izango lirateke Euskal Autonomia Erkidegoan.
Hitzordua jaso ondoren, ahal duten pertsonak txertaketa-gune horietara joango dira eta han jarriko diete txertoa. Hala ere, mugitzeko zailtasunak dituzten edo mugitu ezin diren pertsonen kasuan, Osakidetzako langileak joango zaizkie etxera txertoa ematera.
Hala ere, ahal dela, txertoa txertaketa-guneetan jartzea lehenetsiko da, "dosiak manipulatzea delikatua delako eta ezin delako bat bera ere alferrik galdu".
Dosi bat bera ere alferrik ez galtzeko
Osakidetzak 100 urtetik gorako pertsonak bilatuko ditu, eta, dosi bat bera ere alferrik ez galtzeko, ingurunean bizi den kolektibo bereko pertsonei (80 urtetik gorakoak) emango zaizkie gainerako dosiak.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.