Zabalgana eraberrituko dute, trafikoa motelduz eta oinezkoari leku gehiago emanez
Gasteizko Udalak Zabalgana auzoa itxuraldatuko du, 10 superetxadi eraikita eta egun ibilgailuek erabiltzen dituzten 7.500 metro koadro bide-zoru oinezkoentzako berreskuratuta. Egitasmo horren bidez, trafikoaren abiadura motelduko dute eta pertsonei zuzendutako gune berde berriak sortuko dituzte.
Gorka Urtaran alkateak eta Raimundo Ruiz de Escudero Mugikortasun eta Eremu Publikoko zinegotziak ostegun honetan aurkeztu dute Zabalganako superetxadien proiektua. Egitasmoa gauzatzeko bi milioi euroko aurrekontua izango dute. Lanak udaberria hasiko dira eta urtea amaitu orduko bukatuko dituztela espero dute.
Hiribide handietan trafikoa kenduko dute, dagoeneko existitzen diren pasealekuei jarraipena emanez, gune berde berriak sortuz eta bidegorriak izango dituzten espaloi zabalak eraikiz. Eremu horietan otorduak egiteko mahaiak, umeentzako jolasak eta ping-pongean jokatzeko mahaiak jarriko dituzte.
Ibilgailuak ezingo dira gune horietan sartu eta ondoko bidetik buelta eman beharko dute. "Auzo horretatik abiadura handian igarotzen den trafikoarekin amaituko dugu horrela", azpimarratu du Ruiz de Escuderok.
Hiribide horietan gehienezko abiadura 20 eta 10 kilometro ordura murriztuko dute. Halaber, auzoan garajea duten bizilagunak eta zama-lanak egiten ari diren beharginak soilik sartuko ahal dira ibiligailuarekin.
Ilustrazioaren eta Mediterraneoaren hiribideak eraldatzeaz gain, Labastida, Salvador Dali, Iruña-Veleia eta Oion kaleak ere eraldatuko ditu Udalak.
Superetxadietan sartzeko kaleak errei batekoak izango dira eta lorategiak jarriko dituzte, ibilgailuek abiadura moteldu behar izan dezaten. Superetxadien barrualdean oinezkoak izango du lehentasuna, eta kanpoaldean trafikoak.
Zure interesekoa izan daiteke
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.
Navarreria kaleko harrapaketan zauritutako bi lagunak egonkor daude, bat ZIUtik kanpo
Gertatutako argitzeko ikerketak zabalik jarraitzen du.
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.
Donostiako gozoki-denda bateko jabea espetxera bidali dute, bere dendan neskato bati sexu-erasoa egiteagatik
Segurtasun Sailak ostegun honetan jakitera eman duenez, atxilotuak bi aldiz egin zion eraso adingabeari, ekainaren 25ean eta 26an; gainera, aurrekariak ditu antzeko delituengatik. Ostegun honetan epailearen esku utzi dute, eta hark espetxeratzea agindu du.
EAEko kanpinak erabat beteta egongo dira udan
Geroz eta jende gehiagok kanpinak aukeratzen ditu euren oporrak igarotzeko, besteak beste, zerbitzu ugari eskaintzen dutelako. Horren adierazle da okupazio maila: euskal kanpinak beteta daude abuzturako, eta uztailerako ere.
Bad Gyal, Juanes, Yandel eta Anuel AA musikariek jarriko diote musika Ibai Llanosen 'VI. Urteko Gauari'
80.000 lagun inguru izango dira uztailaren 25ean Cartuja estadioan burutuko den jaialdian. Bertan, afizionatuen arteko hamar boxeo-borrokaldi egingo dira.