15 urteko zigorra gizon bati, Donostian bikotekidea bizirik erretzen saiatzearren
Guztira hamabost urte eta hiru hilabeteko kartzela zigorra ezarri diote gizon bati, Donostian bikotekidea bortxatzen eta bizirik erretzen saiatzeagatik. Horretarako, edredoiari eta burkoei su eman zien, emakumea ohean zela.
Gizona iragan azaroaren 9an epaitu zuten Gipuzkoako Auzitegian, 2019ko ekainaren 28an jazotako gertakariengatik. Epaiaren arabera, 51 urteko gizona biktimarekin oheratu zen eta sexu harremanak eskatu zizkion, baina emakumeak uko egin zion.
Ezezkoaren aurrean, auzipetuak indarrez heldu zuen emakumea eskuetatik, eta hainbat zaplaztako eman zizkion "larrua gogor joko ziola" esaten zion bitartean. Esandakoa betez, bortxatu egin zuen bikotekidea.
Hurrengo egunean, bikote harremana utzi nahi zuela esan zion emakumeak, baina hilabete bukaeran berriro elkartu ziren. Urriaren 23an, baina, eztabaida piztu zuen auzipetuak biak bizi ziren etxean. Haragi plater bat jatera behartu zuen emakumea, laban batekin mehatxu egiten zion bitartean. "Faltsu eta traidore" ere oihukatu zion orduan.
Berehala, gizonak etxetik alde egin zuen. 04:00ak aldera itzuli zen, eskuetan whisky botila bat zeukala. Biktimari sakelako telefonoa kendu zion, laguntza eska ez zezan.
Jarraian, metxero batekin, emakumeak gainean botata zeukan edredoiari su eman zion, oso-osorik erreko zuela ostean. Ur botila bat hartu eta sua itzaltzea lortu zuen biktimak.
Ordu batzuk geroago, 07:45 aldera, berriro ere edredoiari eta burkoei su ematen saiatu zen. Whiskya ere bota zuen bertara, sua azkarrago zabaltzeko asmoz-edo. Biak han hilko zirela esan zion emakumeari. Ahal zuen moduan, etxetik irtetea lortu zuen azken honek.
Handik gutxira, udaltzainek auzipetua atxilotu zuten. Agenteetako bati aitortu zion neska-lagun asko zituela, "baina emagaldu horrekin" lehenbailehen bukatu behar zuela, "kartzelara joan aurretik". "Alkohola erabili dut, eta erretzen ari nintzen zigarroa ere bota dut bertara", onartu zuen gizonak.
Horregatik guztiagatik, bortxaketa delitua, hilketa saiakera, tratu txarrak, mehatxuak eta irainak leporatu dizkiote, besteak beste.
Zure interesekoa izan daiteke
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.
Urriaren 7a jaieguna izango da 2027an, lehen Eusko Jaurlaritzaren 90. urteurrenaren omenez
Urteurrena oroitzeko 40 ekimen baino gehiagoko agenda antolatu du Jaurlaritzak eta, besteak beste, solasaldiak, erakusketak, kultur eta kirol ekitaldiak egingo dira urte osoan zehar. Horien bidez, Agirre lehendakariaren eta bere lantaldearen ondarea gogoraraziko da eta Gobernu haren sorreraren oinarri izan ziren demokrazia, askatasuna eta justizia sozialaren balioak etorkizunerantz proiektatuko dira.
Barrualde-Galdakaoko eta Gurutzetako Osakidetzako emaginek 9 eguneko greba deitu dute profesional falta salatzeko
SATSE sindikatuak ekainaren 17tik uztailaren 2ra bitarteko mobilizazioen egutegiaren berri eman du. Sindikatuaren arabera, arazoa "profesionalen kontratazio eta planifikazio falta" da. Ez da baztertzen beste ESI batzuek deialdiarekin bat egitea.
ETSk Bilboko Aste Nagusian joko du
Talde arabarra Europa parkeko oholtzara igoko da datorren abuztuaren 26an.
Euskal gazteen % 57k deskonexio digitalerako eskubidea aldarrikatzen dute
Nerabeei eta ongizate digitalari buruz Unicefek kaleratutako txosten batek ondorioztatu duenez, Euskadiko adingabe eta gazteen erdiak baino gehiago gogaituta daude hiperkonexioarekin. Azterlanaren datuek erakusten dute pantailak itzaltzeko beharra gero eta handiagoa dela, eta mugikorrei lotutako arrisku-jokabideak (sextinga, bikote-indarkeria digitala...) nabarmen gutxitu direla.
2026ko lehen hiruhilabetean Donostiako alokairuko etxebizitzen % 40 24 orduan baino gutxiagoan alokatu ziren
Astearte honetan argitaratutako ikerketa baten arabera, EAEko hiriburuak "alokairu espresa" gehien jasaten dutenen artean daude: Gasteizko tasa % 24koa da, eta Bilbokoa, % 23koa.
Emakume bat atxilotu dute, Artaxoan 41 edukiontzi eta ibilgailu bat erretzea leporatuta
2023 eta 2026 urteen artean 15 sute eragitea leporatzen diote. 17.000 eurotik gorako kalteak eragin zituzten suteek.
EAEko neskek mutilek baino ia bi aldiz arrisku handiagoa dute ondoeza pairatzeko eta beren buruaz beste egiteko
Neskek adierazle okerragoak dituzte antsietateari eta depresioari dagokienez (% 17,5; mutilek, % 9,8), baita suizidio-arriskuari dagokionez ere (% 7,8; mutilek, % 4,1), astearte honetan Bilbon Unicefek aurkeztu duen Haurrak, nerabeak eta ongizate digitala txostenaren arabera.