600 kilo marihuana eta bi kilo kokaina eta speed konfiskatu dituzte Portugaleten
Ertzaintzak bi pertsona atxilotu eta 600 kilo marihuana eta bi kilo kokaina-harri eta speed atzeman ditu Portugaleten (Bizkaia). Polizia autonomikoak azken urteotan Euskadin konfiskatutako droga-kopururik handiena da.
Operazioaren ondorioz, 49 eta 41 urteko bi pertsona atxilotu zituzten ostegunean, droga-trafikoaren delitua leporatuta. Biharamunean aske utzi zituen epaileak, karguekin bada ere.
Ikerketaren arabera, konfiskatutako droga eskala handian banatu behar zuten EAEtik kanpora, eta merkatu klandestinoan hiru bat milioi euroko balioa izango luke.
Operazioa ostegun arratsaldean abiatu zuten. Ikuskapen-lanetan ari ziren agenteek bi gizon lonja batetik kartoizko kaxak ateratzen eta presaka furgoneta batean sartzen ikusi zituzten, eta, ondoren, alde egiten.
Jarrera susmagarria irudituta, furgonetari segitzen hasi ziren. Agenteek egiaztatu zutenez, autoak saihesteko maniobrak egin zituen eta trafiko-arauak urratu zituen. Horren aurrean, Ertzaintzak polizia-dispositibo bat jarri zuen abian eta furgoneta geldiarazi zuen.
Ertzainek bi bidaiariak identifikatu zituzten, eta kaxetan zer zeramaten galdetuta, botikak zeramatzatela erantzun zieten. Kaxak ikuskatu zituztenean, baina, substantzia begetal bat zuten poltsak zeudela ikusi zuten, eta, azkenean, marihuana zela egiaztatu zuten. Guztira, bost kaxa konfiskatu zituzten, eta marihuana-kukuluak zituzten 20 poltsa zeuden horietako bakoitzean.
Agenteek estupefaziente gehiago aurkitu zituzten furgonetan ezkutatuta; besteak beste, substantzia marroi baten barra bat (haxixa, ustez), kalamuaz beteta zegoen poltsa termozigilatu bat eta speeda zuten poltsa txiki batzuk. Bestalde, akusatuetako bat miatu zutenean, dirua (3.800 euro) eta substantzia sorgorgarriak zituzten poltsa txiki batzuk aurkitu zizkioten gerriko poltsa batean.
Gerora, Portugaleteko lonja miatuta, antzeko ezaugarriak zituzten 50 bat kaxa aurkitu zituzten hainbat gelatan sakabanatuta, eta, aztertuta, plastikozko poltsatan sartuta zegoen marihuana zela egiaztatu zuten. Era berean, agenteek debekatutako beste hainbat substantzia ere aurkitu zituzten, kokaina, anfetamina eta metanfetamina (speed), tartean, baita droga manipulatzeko baskulak eta bestelako tresnak ere.
Ikerketaren arduradunek ostiralean jarraitu zuten auzipetuen jabetzeko lokalak miatzen, eta substantzia sorgorgarrien (marihuana, kokaina, anfetamina eta metanfetamina) kopuru txikiak aurkitu zituzten Ortuellako garaje batean egindako miaketan.
Ertzaintzak ikertzen jarraitzen du, eta ez du baztertu atxiloketa gehiago egitea.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.